حضر عندك علي جدك 1 (مكتوبة) - باسم الكربلائي

القصيدة : حضر عندك علي جدك
الشاعر : الأديب الحاج جابر الكاظمي
الرادود : الحاج ملا باسم الكربلائی

 

حضر عندك ..علي جدك
علي جدك ..حضر عندك
سميك يا علي الأكبر
ينوح المصرعك حيدر
يشمك من دمه المنحر ..علي جدك
******
يا الأكبر بالحرب لمن طحت مجروح
حضر عندك علي و شافك جسد مطروح
انحنه و ينظر جسم دامي و نحر مذبوح
گعد يم الجسد يحسب طعن وجروح
شهگ شهگت حزن و يصب دمع مسفوح
عجيبة اللي فتح خيبر يون و ينوح
الجفن ينبوع..يصب ادموع
يصب ادموع..الجفن ينبوع
گعد يمك..يشم جسمك
يشم جسمك..گعد يمك
يصد لجروحك بعبره
يعد جم طعنة جم طبره
جبدته تستعر جمره..مثل جبدك
******
سميك يا علي الأكبر يبث اهموم
مثل حوم الگطا التايه عليك ايحوم
گعد يم جسمك بحسرة و گلب مالوم
صدگ هذا الوصي حيدر دمعته اتموم
عجيبة فارس الخندگ يطل مهموم
عجيبة اللي جتل مرحب ينوح اليوم
عجيبة ايلين...بطل صفين
بطل صفين...عجيبة ايلين
الجتل مرحب...گعد ينحب
گعد ينحب...الجتل مرحب
تفطر بالهضم جبده
بدت هالحالة من عنده
يجر حسرة ووضـع خده...عـلى خدك
******
عجيبة اللي يدب نفسه على الكلفات
نشوفه الليلة يا الأكبر يهل دمعات
عجيبة اللي فنى و دمر هبل و اللآت
يجر ونّه بأثر ونّه و يجر حسرات
عجيبة البحر باسمه ابو الحملات
ينوح ومن جفن عينه يصب عبرات
حليف السيف..يون يا حيف
يون يا حيف..حليف السيف
يصب دمعه..انعطف ضلعه
انعطف ضلعه..يصب دمعه
لون عن حالته اتناشد
وگف وگفت ابو الفاجد
يصد بعيونه و يشاهد..ذبل وردك
******
يصد لك يا علي الأكبر علي الكرار
يگلك يا بني ما تدري اشجرالي و صار
لفيت و من شفت حالك صرت محتار
ونينك هيّج اجروحي و سلب أفكار
أخمّد جمرت اهمومي بدمع فجّار
وانشّف دمعة اعيوني بلهيب النار
يا الأكبر جيت..الك ونيت
الك ونيت..يا الأكبر جيت
هضم دهري..سلب فكري
سلب فكري..هضم دهري
وانا اللي شاعت اخباري
يهز الدنيا بتّاري
اجيتك والدمع جاري..الهضم فگدك
******
يا الأكبر يا بني من شفتك على التربان
احس بضامري اتوجد سنه النيران
العذب ملك امك الزهره و مهرها جان
تشربه و ترتوي الوادم بلا أثمان
و ابنها انت يا وليدي متت عطشان
واشوفك يا بني بالمذبح بلا أجفان
تحن خلوك ..ولا رووك
ولا رووك..تحن خلوك
بقلب ضامي..متت دامي
متت دامي..بقلب ضامي
اون الحالتك وانحب
اشوفك بالدمه امخضب
يشب وينطفي ويلهب..جمر فگدك
******
يا الأكبر يا نبع روحي و نمير احشاي
متت تتحسر بلهفة اعلى شربة ماي
علي يا بني و صرت لجلك شريد الراي
و انا الما بارح اعيوني كدر دنياي
اجيت وطبرتي براسي جبتها وياي
يا الأكبر و شكثر تشبه طبرتك هاي
على الجرحين..بجت كل عين
بجت كل عين..على الجرحين
بجمر همي..نزف دمي
نزف دمي..بجمر همي
نزف دمي مثل دمك
وقع جسمي مثل جسمك
علي يا بني يطل يمك..علي بلحدك
******
علي امصابك هدم حيلي لفاني من انين
بدليلي مو جرح واحد و لا جرحين
علي اختار انت يا وليدي ادفنك وين
وانزلك و اسكن بلحدك يا ضي العين
اريد وياك اتوسد تراب البين
گبل لا بينه يتحير ابوك حسين
خصبني وياك..مسيل ادماك
مسيل ادماك..خضبني وياك
بدمع يجري..اخمدت جمري
اخمدت جمري..بدمع يجري
لجن يا بني اسعرت روحي
حنيني و مشعل اجروحي
و دليلي اتقطع بنوحي..وغفه بسدك