اودعك و أنتظر باجر (مكتوبة) - باسم الكربلائي

أودعـك  و أنـتـظـر باجر

أودعـك  و أنـتـظـر باجر ياريته لا طلع فجره
و  أخـبرك  عندي يبن أمي وصيه امن أمك الزهره
الـوعـد  ويـاك  ... ذبـيـح ألقاك...يا خويه

يـبـو  الأكـبـر  تعنيتك حزينه و دمعتي اتخبرك
لـون فـجـر الـحرب أسفر بني سفيان تنتظرك
قـبـل  لا  يـنقطع راسك قبل لا ينهشم صدرك
وصـيـه عـنـدي من أمي أقبل صدرك و نحرك
أريـدك  يـا  بـعد روحي تساعد مهجهتي اعليها
وصـيـه و حـتـم الـواجب علي لازم أوفيها
الـخـبـر وافـاك ... ذبـيـح ألقاك...يا خويه

خـبـر  عن أمي عن حيدر عن سيد الرسل جدي
أقـدم  لـك جـواد الموت و آنه الأسرجه ابيّدي
يـخـي لا تـعتبر هذي قساوه و تبدي من عندي
لـجـن سابق عهد مكتوب و ملزومه وفه ابعهدي
و  حـقـك لـو يـصير الموت يبو السجاد يتغير
أقـلـك  إنـتـه  ظل عايش و أروحن آنه اتوذر
الـعـهـد  خـلاك ... ذبـيح ألقاك...يا خويه

ظـلام  الـطـف يصور لي يقول الفجر من يطلع
يـا  زيـنب  عينك اتشاهد جثث و ارقاب تتقطع
و  أنـه ابـعـالم وضع نحرك همت و اتفجر المدمع
عـسـانـي  قبلك اتعفر و لا شوفك عله المبضع
مـصـيبه و عن لسان أمي اسمعتها و دمعتي تسفح
يـا خـويـه فـاطـمه أمنه روت لي قصة المذبح
عـقـب  فـرقـاك ... ذبـيح ألقاك...يا خويه

يـبـو الأكـبر خبر عندي سمعته من أمك البضعه
أريـد تـصـغـي يا خويه خبر بنت النبي اتسمعه
تـقـول  الـظالم ايصيبك سهم من ظهرك اتطلعه
يـحـز الـمنحر و راسك عله إرماح العده اترفعه
أشـاهـد عـل الرمح راسك و منصرع جسمك
و  أعـاين منحرك دامي و أخضب راسي من دمك
أجـيـك  اهـنـاك ... ذبـيح ألقاك...يا خويه

يـا  خـويه لو وقع جسمك أجيك الخطت الميدان
أشـيـلـن  دمـك بجفي و أحاجي الخالق الديان
أقـلـه يـا إلـه الـكـون تـقبل مني هالقربان
أقـدمـه  الوجهك  الطاهر أخويه المنذبح عطشان
أحـاجـي الـخـالق و أدعوا يثبت عالمحن صبري
و أفوض جسمك الدامي و أقلك خويه جنت أدري
ابـهـضـم دنـيـاك ... ذبيح ألقاك...يا خويه

مـرامـي الـطف يبو الأكبر توضح قسوة أيامك
بـعـد  عـنـدي خبر عنك يهيج ساكن آلامك
عـقـب مـا يـنقطع راسك تشب نيران بخيامك
مـثـلـما  ينسحق صدرك الحوافر تسحق أيتامك
أطـفـي  النار  بدموعي و أجيك اردوود يبن أمي
و أقـلك وسفه جدامي أشوفك عله الأرض مرمي
إعـلـه حـالـك ذاك ... ذبيح ألقاك...يا خويه