ما أنسى عاشور (مكتوبة) - باسم الكربلائي

قصيدة : ما انسى عاشور
الشاعر : الأدیب جابر الكاظمي

الرادود : الحاج ملا باسم الكربلائي
 طور : شيصبر_الروح_يالفارقتني

 

ما أنسى عاشور
ذبحوا زلمنا .. حرقوا خيمنا
سبي الحرم و الأطفال
ما ينمسح عن البال
حرقوا خيمنا
******
عليل آنة و زماني لروحي ألمَّها
عواميد الصبر بحشاي هدَّمها
شلون أنسى مصيبة كربلاء و همها
اشأنسى رقاب أهلنا اللي نزف دمها
لو أنسى اليتامى الحرقوا خيمها
لو أنسى الحَرَم ما ظل ولي يمها
من مهجتي يفيض دمع الحراير
دم المناحر دم المناحر
دم الذي بالطف سال
ما ينمسح عن البال
******
عوَّدني زماني على الحزن و النوح
و مشاهد كربلاء عن الفكر متروح
بقلبي شكثر طبرات وطعن و جروح
جم لوعة بعد تقدر تشيل الروح
اخوية الأكبر قبالي وقع مذبوح
وبعيني شفت دم النحر مسفوح
للأكبر مصاب ما تطفى ناره
دمعى تجارى دمعي تجارى
فقده انرسم بالدلال
ما ينمسح عن البال
******
شكثر قوم آل أمية لروحي فجعوها
و دمعتي بزفة العريس أجروها
بدال شموع عرسه رماح شالوها
و من دم الوريد جفوفه حنوها
بعيني شاهدت أوصاله وذروها
جثة ابن عمي بدمع غسلوها
ما أنسى جسّام و اشأنسى منه
بالدم تحنى بالدم تحنى
بعيني شفت ذاك الحال
ما ينمسح عن البال
******
ماشافت عيوني على الترب ابدان
أشوف بدور و تهاوت على التربان
رِحِت صوب الشريعة مطوَّق بأحزان
أتخطى على همي و أمشي عالنيران
شفت يم النهر قمر عدنان
صريع بلا راس مقطَّع الذرعان