ميعادك صار يالأكبر (مكتوبة) - باسم الكربلائي
منذ ١٣ سنة٥٣٦مشاهده
القصيدة : ميعادك صار يالأكبر
الشاعر : الأديب الحاج جابر الكاظمي
الرادود : الحاج ملا باسم الكربلائی
ميعادك صار صار صار يالاكبر
مطلوب بثار ثار ثار من حيدر
جيش ابن زياد و أعوانه
و سيوف لدمك عطشانه
مطلوب بثار ثار ثار من حيدر
******
تحذَّر يا علي الأكبر اجوا فرسان
لا عدهم شِيَم لا ذرة من وجدان
الك ثارات عدهم ماضية من زمان
من وقعة بدر من عهد أبو سفيان
علي جدك فِتَك بيهم بكل ميدان
وهدم بالكعبة كل ماالهم من أوثان
ماعدهم ذات ذات ذات لا ذمـة
وجدان ومات مات مات من ظلمه
لا تلوم الميِّت وجدانه
و سيوف لدمك عطشانه
مطلوب بثار ثار ثار من حيدر
******
سبعين ألف ضدك و انت فارس شاب
لا داخل حرب و لا شهرت تحراب
تحيطك ناس صاروا للكفر أذناب
لسفك دمك تعنوا حاسبين حساب
بغضا للوصي الكرار داحي الباب
فناهم يوم وقعةبدر و الاحزاب
و الظالم راد راد راد ثاراته
بأرض الطف عاد عاد عاد غدراته
حشَّم كل جيشه و طغيانه
وسيوف لدمك عطشانه
مطلوب بثار ثار ثار من حيدر
******
أمية من الازل عاشت بالمغزة
ذليلة ظلت و مارادت العزة
لون ماتمتلك أرواح مهتزة
ماجان أمهم أكلت جبدة الحمزة
طغعة و الخيانة بيها منغرزة
وابليس أكثر من نفوسها تعزه
يالأكـبر شوف شوف شوف و انظرهم
يتراجف خوف خوف خوف عسكرهم
عسكر و يموج بميدانه
و سيوف لدمك عطشانه
مطلوب بثار ثار ثار من حيدر
******
يا أبن من ثبَّت بسيفه اصول الدين
لت همَّك يالأكبر عسكر الباغين
مو هاليوم عالحقد من سنين
نفس هالجيش حاربهم علي بصفين
و اجوا يالأكبر بهاليوم منتقمين
على قطعة وريدك اجوا محتزمين
يالأكبر روح روح روح و اتقدم
روح افدي الروح الروح الروح لا تهتم
وافني الميدان و فرسانه
و سيوف لدمك عطشانه
مطلوب بثار ثار ثار من حيدر
******
الك من كل كتر متوجهة الأنظار
و لدمك غدت عطشانة هالأشفار
مثلك يمتلك صولات حامي الجار
يصول و مايهمه العسكر الجرار
انت بالخلد ينتظرك المختار
هُمَّ ينتظر الهم النار
صوت الحق صاح صاح صاح لا تهتم
لو جسمك طاح طاح طاح و تخذم
دمك بركان بشريانه
و سيوف لدمك عطشانه
مطلوب بثار ثار ثار من حيدر
******
هالأمة اجت بسيوف منتقمة
ابذل مابوسعك و ابرز بهمة
من توقع صريع و تبتدي الأزمة
بموضع مصرعك تنكتب هالجلمة
رسـول الله ذبيح و ذبحته الأمة
وجهك وجهه يالدمك نفس دمه
هالعالم صاح صاح صاح بالمدمع
لو دمك ساح ساح ساح بالمصرع
هالكون يضج بأحزانه
و سيوف لدمك عطشانه
مطلوب بثار ثار ثار من حيدر
التعلیقات