صار الفرح نوح و دمع (مكتوبة) - باسم الكربلائي

القصيدة : نوح ودمع
الشاعر : الأدیب جابر الكاظمي

الرادود : الحاج ملا باسم الكربلائی 

صار الفرح نوح ودمع
طفو الشمع ابني انذبح
المن تشع طفو الشمع
وصل الجنيته بدمعي سكيته
بالطف لقيته
يسيل ادموم
******
عرس جاسم امل عمري
اعلى حر وبرد تانيته
امل يمرح على سنيني
بسواد اعيوني ظميته
حلم غافي بحضن صبري
وعلى المامش ترجيته
لو للحظة ابتعد عني
بقلب لاهب تعنيته
قلت ابني شأعز عندي
من ابني وانا ربيته
ولو ان جدمه نفر كاعد
اعلى سجة عمري مشيته
ازرع أمل واحصد صبر
طول العمر زرعي ذبل
اتنى شكثر طول العمر
طيفي وتعدى ماي وتبدى
منهو اليرده
ظال السوم
******
انهرت لمن شفت جاسم
تسافح حد ارض نحره
بحر صبري نشف فوحه
صرت اتلمح القطرة
طفح دمعي بحجر ظيمي
على ابني الماكمل بذره
تزاحم درب عبراتي
عبرة تعثر ابعبرة
غدت تتراكم اهمومي
بقلب يستسهل الجمرة
صحت ريت الخطف عمري
يرد لي ابني الحسن عمره
ذر الترب اصبح جفن
لابن الحسن دمعي يصب
صب المزن لابن الحسن
اصبر واكابر انحب واساهر
عافيني واظر
طيب النوم
******
ينام المايلوحه الضي
وموتوني دهر مينام
يضاوي اعلى السهر عيني
ويخالفني هوا الايام
يعين الله جرح قلبي
شكثر بيه ريحة الآلام
اشحنت ظلعي برحى همومي
نثرته يم جسم جسام
محن دهري علي دامت
لجن عرس الولد مادام
يحايلني امل عرسه
صرت اتلمس الأوهام
يا لوعتي على الانفكد
عكب الولد يادنيتي
شاصبر بعد عكب الولد
همومي الرزية انصبت علية
وشفت المنية
بهذا اليوم
******
بعد مامش زفاف يصح
وهاي الشمعة طفوها
انحر ابني سفح دمه
بعد المن تعدوها
ماهو استسهل دمى جروحه
اعلى هالحنة عجنتوها
مثل نحره شفت روحي
اعلى صخرة غيض ذبحوها
اشعلو موكد غضا سنيني
بطوارف جسمي حرقوها
وانا مقالب ويا دموعي
احبستها وغصب اجروها
ياهل الصبر صبري خلص
دمعي رخص ضاع العمر
بين الغصص دمعي رخص
وادي الهضايم دلالي هايم
شتنفع تمايم
للمهموم
******
عكب جاسم يسليني الدمع
واتسامر ويا النوح
ولا هبت عكب عيناك
نسمة ريح ببقايا الروح
تصاولني غصص دنياي
واجاسي ابها بقلب مجروح
واحن وانحن على جفوفك
اتتحنت بالدمى المسفوح
احومن حومة التايه
واخفق خفقة المذبوح
واهيمن وارتجل معيوز
لعل امن المغيب يلوح
بمصيبتي مال للدهر
هم وكدر من غربتي
بقلبي استقر هم وكدر
تميت اعاني هم الولاني
وانا وزماني
نعد اهموم
******
صرت انطر توالي الليل
واراقب طلعة نجومي
عسا يطاوع جفن عيني
المنام واغرق ابنومي
قلت لا بد يبارحني
مصاب وتنجلي همومي
بعد ماحسبت تالي
تغير كربلا رسومي
فقد جاسم هدم حيلي
وعلية النايبد حومي
دنياية بعد ماظن
يفيد امعاتبي ولومي
ابني انحجب ودا النفس
يوم العرس راح وضرب
مثل الشمس يوم العرس
اغفى بمصابي واصحى بعذابي
شينفع عتابي
كثر اللوم

******

يا وليدي كل حن القلب حنيته
واعليك ظلعي بالحزن حنيته
جفك ياجاسم بالدمى حنيته
وجسمك لقيته بالرمال امعفر
شبه العليلة والأجل عاداني
والدهر يابني بفرقتك عاداني
شفتك ياجاسم عالترب عاد آني
ظليت أنوح لحالتك وأتحسر
ضاع العمر يادنيتي ضيعيني
وبمضجع ابني باللهيب ضيعيني
شلي بحياتي وانطفى ضي عيني
واخلاف جاسم عمري لاشك يقصر