ياكرار يمك حضرنا (مكتوبة) - باسم الكربلائي
منذ ١٣ سنة٣٧٤مشاهده
قصیدة : يـكـرار يـمـك حـضرنه
الشاعر : الأديب الحاج جابر الكاظمي
الرادود : الحاج ملا باسم الكربلائی
يـكـرار يـمـك حـضرنه .. يكرار ويتامى صرنه
اجـت يـم الـنعش زينب .. تحن عالمرتضى وتنحب
تـنـادي والگلـب يلهب .. يبوية فرگتك تصعب
وسـف يـالجدلت مرحب .. اشوفك بالثرى مغيب
يـكـرار نـافـذ صـبرنه .. يكرار ويتامى صرنه
*****
يـريـت الـلي حفر لحدك .. عساه بمهجتي يوسدك
تـظـل عندي واظل عندك .. الوذن وانحب بسدك
واگلـك يـالصعب فگدك .. يتامى صرنه من بعدك
يـكـرار شـيـنفع عمرنه .. يكرار ويتامى صرنه
*****
يـمـن يـفني الجبل صبرك .. تنشدك روحي وتخبرك
صدك تالي انخسف بدرك .. صدك راح وخلص عمرك
صـدك بـوية انحفر گبرك .. عساني موسدة بكترك
يـكـرار غـايـب گمـرنه .. يكرار ويتامى صرنه
*****
صـحـت والـخاطر مصدع .. يريتك ياعلي ترجع
عـسـاني بدالك اتشيع .. واموتن واسكن المضجع
الـعـمـر يـابـوية ماينفع .. لون يتكضه بالمدمع
يـكـرار يـصـعـب أمرنه .. يكرار ويتامى صرنه
*****
گبـل لـيـلـه جـنـت يمنه .. يبوية بظلك تلمنه
الـدهـر مـانـدري يحرمنه .. بمغيبك تالي يصدمنه
تـالـمـنـة وتـيـتـمنه .. وسافة الدنيا تهضمنه
يـكـرار مـوحـش دهرنه .. يكرار ويتامى صرنه
*****
يبوية انهدمت صروحي .. ويروجح على الجفن موحي
جزعت يابوية من روحي .. صحت عن الجسم روحي
حـزينة وسلوتي بنوحي .. واداوي جروحي بجروحي
يـكـرار يـشـبـح نظرنه .. يكرار ويتامى صرنه
*****
مـغـيـبـك يصعب علينه .. صفينا يتامى تدرينه
هـضـم فگدك يـبـاريـنـه .. يصبحنه ويمسينه
تـشـب نـار الـحـزن بـينه .. ونخمدها بماسينه
يـكـرار يـسـعـر جمرنه .. يكرار ويتامى صرنه
التعلیقات