حماي الدخل يا حسين (مكتوبة) - باسم الكربلائي
منذ ١٣ سنة٨٥١مشاهده
قصیدة : حـمـاي الـدخـل يحسـين
الشاعر : المرحوم الشيخ باقر الخفاجي
الرادود : الحاج ملا باسم الكربلائي
حاير باجر بمنجاي أخاف انحكم بس اعثر .... شكولن يوم المحاسب وبيا عذر اتعذر
الدنيا تنكضي لجن شيكضي ساعة المحشر .... وانا دخيليك ياابو السجاد وانت للدخل حماي
حماي الدخل ياحسين كل الوادم يشهدون .... بر وبحر مو منكور جن وانس يعترفون
******
حـمـاي الـدخـل يحسـين * كل الأوادم يشهـدون
بـر وبـحـر مـو مـنـكـون * جن وانسن يعترفون
بـس وحـدة يا بو اليمة * العقل من عندها ظل مذهول
شـلـون انـهـضمت سكينة * سكت ولا قلت بحماي
حـسـيـن يا حسين يا حسين حسين يا حسين يا حسين
عـزيـزة قـلـبـك وجـتـك *شلون الشمر يدناها
روعـهـا وبـجـت يـمـك * وأنـت تـسمع بجاها
مـن الـخـوف لاذت بـيـك * غـيـر يكون تحماها
تـنـاديـك بـرفـيع الصوت * يا بويه ويا بعد جلاي
حـسـيـن يا حسين يا حسين حسين يا حسين يا حسين
يـبـويـه من قطـع راسك * ومن هو الي سلب ثيابك
يـبـويـه غطه كل مصاب * مصـاب الما جرى مصابك
عـسـه ابعيد البله امخضب * ومن فيض الدمه اخضابك
قـبـل لا شـوفـك ابـهالحال * يا ريت انعمت عيناي
حـسـيـن يا حسين يا حسين حسين يا حسين يا حسين
عـمـت عـيـني ولا شوفك * ذبيح ويجري دم نحرك
وأنـصـارك وأهـل بـيـتك * ضحايا مطرحة بكترك
يـا ريـت اتـعـقرت هالخيل * ولا جالت على صدرك
يـا ريـت الموت أخذ عمري * شلي بعمري عقب ولياي
حـسـيـن يا حسين يا حسين حسين يا حسين يا حسين
شلي بعمري انقصف عمري * وعمري بدين عسى الما طال
كـنـت مـحـجـبـة بـزغـري * ولن مجتفة بحبال
بـيـن اخـوتـي بـهـيـبة وعز * ولني بين قوم أنذال
بـلـبـل طـوح الـحـادي * مـدري بيا كتر منواي
حـسـيـن يا حسين يا حسين حسين يا حسين يا حسين
يــبـويـه جـنه صار الصار * وعطشان الكفر ذبحوك
لـيـش بـهـالـشـمس عاري * ليش بكفن ما لفوك
لـيـش عـلـى الـرمح راسك * ليش بلا دفن عافوك
لـيـش تـسـلـب حـجابي * صلات أتستر بيمناي
حـسـيـن يا حسين يا حسين حسين يا حسين يا حسين
ردت أنـصـب مـنـاحـة عليك * ليش الكفر منعوني
لـيـش عـيـونـي مـن تدمع * بكعب الرمح ضربوني
لـيـش أقـطـع دروب بـعاد * عنك غصب مشوني
أي والله يـا بـو الـيـمة * جرعت الحنضل من عداي
التعلیقات