فكري احتار (مكتوبة) - باسم الكربلائي

قصیدة : فــكـري  احـتـار

الشاعر : الأديب الحاج جابر الكاظمي

الرادود : الحاج ملا باسم الكربلائی

 

فــكـري  احـتـار ..... شـنـهـو الـصـار
حـيـدر  طايح  بالمحراب ..... لو راس المختار انصاب
فــكـري  احـتـار ..... شـنـهـو الـصـار
*****
شـبـيـه الـطـير من يفزع بالظلمه افزعت مرعوب
شـفـت فـوق الأرض كوكب وقع بالنايبه مصحوب
صـحـت  هـذا  الوقع حيدر و شيبه بالدمه مخضوب
و لـو هـذا رسـول الله بـمـحـرابه وقع مصيوب
مــنــهــو الــطـاح ..... و الـدم سـاح
صابوا  هامت داحي الباب ..... لو راس المختار انصاب
*****
أنـاشـد مـا حـصـل واحـد يـجود اعليه بجوابه
بگيـت امـدوهـن و فـكـري يـجول بعالم امصابه
مـا أدري مـحـمـد طـاح و تـوسد وسط محرابه
لـو  هـذا عـلـي الـكـرار طايح و الدمه اخضابه
بـالآهـات        .....        و       الـعـبـرات
أنشد و أصرخ حيدر غاب ..... لو راس المختار انصاب
*****
اسـمـعـت  بين الگلب و الروح حديث ايفجر العبره
الگلـب لـلـروح يـخـبـرها يقلها طاح أبو الزهره
لـن روحـي الـحـزيـنـه اتقول بعيده عنك افكره
هـذا  الـطـاح  أبـو الـسبطين وقع و بهامته الطبره
قــلــبــي ايــنــوح ..... ويـه الـروح
الليله  اتصوب ليث الغاب ..... لو راس المختار انصاب
*****
لـنـهـا اتـجـاوبـه روحـي تـقـله يا قلب اسمع
انـتـه  الگلـت هـاديـنه صفت المحراب اله مصرع
مـا ظـن يـا گلـب هـذا دم الـمـصـطفه ينبع
هـذا  الـلـي جـره اعـله القاع دم المرتضه الأنزع
و    بـهـالـحـال    .....    يـا   دم   ســال
دم حيدر هالصار اخضاب ..... لو راس المختار انصاب
*****
صـغـت روحـي و يـحاجيها الگلب و بلوعته اتفطر
يگل الـهـا و بـشـرايـيـنـه لـهيب النايبه يسعر
أخـبـرج هـذا بـالـمحراب جسمه انصرع مو حيدر
هـذا دم رسـول الله جـره و مـن طـبـرته اتفجر
مــن انــيـن الـيـوم ..... تـجـري ادمـوم
حيدر  هالمصيوب اصواب ..... لو راس المختار انصاب
*****
لا روحـي ولا گلـبـي عـرفـوا مـصدر الأحزان
الـنـتـيـجـه  واضحه  و هالحال ما يحتاج اله تبيان
لا دم الــوصـي هـذا و لا دم سـيـد الأكـوان
دم الـمـصـحـف الـيجري و صابوا هامت القرآن
و الــتــنــزيــل ..... دمــه ايـسـيـل
صـابـوا تـنزيل الوهاب..... لو راس المختار انصاب
*****
الـلـيـلـه  طـبـروا  القرآن و الآيات دمها ايسيل
هـذا  مـو عـلـي اتـصوب صابوا مصحف التنزيل
نـحـيـب الـكـون لـمـصـابه يرتل بالحزن ترتيل
عـلـه  امـصـابـه الزبور اينوح و التوراة و الإنجيل
بــالــمــضــمــون ..... مــا يـدرون
صابوا من وحي الله اكتاب ..... لو راس المختار انصاب