سيد الرسل يفتح سجل (مكتوبة) - باسم الكربلائي

القصيدة : سيد الرسل
الشاعر : الأدیب جابر الكاظمي
المناسبة : وفات الرسول ص

سيد الرسل .. يفتح سجل .. ولأمته يعاتبها
ميظل عذر .. يوم الحشر .. والخالق يحاسبها
وعليها تشهد .. عترة محمد
دم الجره يصير شهود .. يم الإله المعبود
والخالق يحاسبها
******
من يبدي الحشر يومه ويصير حساب
رسول الله يجي وشايل بجفه كتاب
ويبدي النبي على الامة يوجه عتاب
على كل دم جرى وكل نايبة ومصاب
أول عتب .. شنهو السبب .. ضلع الوديعة تكسَّر
ليش انطبر .. فارس مُضَر .. شنهو الصدر من حيدر
يسأل خصيمه .. عن كل جريمه
جتل الحسن سره يعود .. يم الإله المعبود
والخالق يحاسبها
******
وعالرابع مصيبة سيد الأكوان
سؤاله يوجه لشيعة بني سفيان
ليش بكربلاء جهزتوا هالفرسان
وليش حسين صار لخيلهم ميدان
ابني نغدر .. دمه انهدر .. عالغبرة ليش اتقطع
وبيا عدل .. دمه يحل .. منكم جواب ارد اسمع
منهو اللي صابه .. سبب مصابه
دم ابني لسا موجود .. يم الإله المعبود
والخالق يحاسبها
******
دم ابني انسفك من جسمه وتخذم
اليوم قبال ربنا ينعرض هالدم
والنار الحرقتوا بيها المخيم
هي اللي تدخلكم على جهنم
حرقتوا الخيم .. فوق الحَرَم ..حل ياذنب من عندها
بديرة غرب .. خيل ورعب .. لاوالي يحرس حدها
راحت سبية .. وي ال أمية
أصحاب الوجوه السود .. يم الإله المعبود
والخالق يحاسبها
******
يا شيعة بني سفيان يا اشرار
هذي عيلتي وآنة النبي المختار
وشلون بسبي تمشوها علأكوار
وانتو تدَّعون الإسلام يا فجار
وبيا سنن .. تمشي بضعن .. بنات الوحي و تتيسّر
شنهو البده .. منها شسده .. تتطلع سبية الخِدَر
الخِدَّر غرايب .. بين الأجانب
كل حق على الأمة يعود .. يم الإله المعبود
والخالق يحاسبها