من اليسر يا عباس رجعت ضعوني (مكتوبة) - باسم الكربلائي
منذ ١٣ سنة٦١٠مشاهده
قصيدة : مـن الـيسر يا عباس
للشاعر : السيد سعيد الصافي الرميثي
الرادود : الحاج ملا باسم الكربلائی
مـن الـيسر يا عباس رجعت ضعوني ** إقعد يا راعي النوماس عاين متوني
شــوف شــجــرالــي خــويــه شــوف شـجـرالـي
******
تـعـتـب عـودت زيـنب المظلومة ** عتاب المنكسر خاطرها مهضومة
وحـيـن الـمـنبعد صدتها للحومة ** ذكرت يوم عاشر وش جرى بيومه
يـا الـحادي صاحت أنخاك أرحم دليلي ** أنه العقيلة أترجاك مرني بكفيلي
أرد أشــكــي حــالــي لــخـويـه أرد أشـكـي حـالـي
******
والـحـادي سـمـع ونـتها المجيدة ** ومن عباس أخوها شلهي الي تريده
خـل يـقـعـد يـنـوخ نـاقـتي بايده ** يقلها طلبتج يا زينب بعيدة
يا ام المصايب تدرين قطعوا جفوفه ** وعلى الكوفة وعينه تعتبين حالج يشوفه
صــاحــت يــا غــالــي خـويـه صـاحـت يـا غـالـي
******
أخـويـه الـي عـلـى الهودج بايده صعدني ** ويبرن ناقتي بالوفى يواددني
خـل يـقـعـد مـثل ما جابني يردني ** وعن غيبتي الي طالت لو يناشدني
يا با الفضل درب الشام بلوة انقضيته ** شحجيلك من الايام همي الي حويته
ســود الــلــيــالــي خــويــه ســود الـلـيـالـي
******
قـبـل مـا نـوخـت يم قبره ناقته ** هوت مثل الغصن حضنته بشوغتها
وبـتـراب الـقـبـر قـطـعت هامتها ** ونت والأرض ما تت لونتها
صـاحـت يا دخري بنياي عدما عفتني ** حان الوعد يا وفاي يالعاهدتني
جـاوب سـؤالـي خـويـه جـاوب سـؤالـي
******
يـا موقف أذكره وأنسى يا موقف ** ولسى عظامي من كثر الهضم ترجف
مـكـتـوفة بحبل والقلب دم ينزف ** وعن الصوط بجفوف القمت أشقف
بين الحرم والأطفال الي حيرني دهي ** وما نشف دمعي الهمال شكثر صبري
مــا عــنــدي والــي خــويــه مــا عــنـدي والـي
******
مـن ثـقـل المصاب وشدة الآلام ** أقول الكوفة أهون من مصاب الشام
مـن شـفـت الخرابة الحرم والأيتام ** ذكرت الشمل وأهلي ودورة الأيام
بـحـبـل الزمان الغدار مجتوفة ايديه ** بنت الوصي حامي الجار لني سبية
والــهــم بــقــالــي خــويــه والــهــم بـقـالـي
التعلیقات