من البين يا حسين (مكتوبة) - باسم الكربلائي

القصيدة : من البين يحسين من صغري
الشاعر : جابر الكاظمي

الرادود : الحاج ملا باسم الكربلائی
 المناسبة : رثاء ابو الفضل العباس ع

 

من البين ياحسين
من زغري وشاب الرآس
تانيت ناديت ليش اتأخر عباس
ريته يمي يجلي همي
وينه عمي ليش أتأخر عباس
******
آنا ياحسين العزيزة
سِكنة ياصيوان داري
اعتذر منك يابويه
وادري مقبول اعتذاري
بسبب لن حشمت عمي
من العطش وبقلبي ناري
وراح عمي وانتظرته
حتى ملّيت انتظاري
مليت .. ظليت
انطر واحسب لحظات
وتنوح .. هالروح
تقدر تصبر هيهات
دمعي يهمي جفني مدمي
وينه عمي ليش تأخر عباس؟
******
انتظر والقلب يخفق
مثل جنحان اليمامه
قلت ليش طلبت منه
الماي واخذتني الندامه
هم صدق يرجع لي عمي
برايته وجوده وحسامه
ريت لا يروي دليلي
بس يرد لي بالسلامه
ياريت .. لا جيت
لا منه طلبت الماي
ونيت .. اتمنيت
لا تبرد نار حشاي
هذا هضمي موتي حتمي
وينه عمي ليش تأخر عباس
******
هاك خذ مرسال مني
وللقمر روح وتعنه
انشد عليه الشريعه
بلكي تسمع خبر عنه
ولو ان يا بوي لقيته
عن لساني اعتذر منه
قله ياعباس ارجع
ما تريد الماي سكنه
ترجيت .. وادعيت
ياريتك حي تلقاه
موجود .. وردود
ترجع للخيمه وياه
هو حلمي هو عزمي
وينه عمي ليش تأخر عباس؟
******
نذر راح انذر يابوي
لو يرد عباس ليه
انثر عيوني ودليلي
فوق رمل الغاضريه
وثاني رجوه لو شفتكم
للخيم جيتو سويه
افرح واشهق مسرة
واصعد لهام الثريه
لو عاد .. ينعاد
عمري وكل همي يروح
لو مات .. هيهات
من بعده تعيش الروح
يبقى سهمي قلبي مرمي
وينه عمي ليش تأخر عباس؟