عفت قبري بدمع يجري (مكتوبة) - باسم الكربلائي

عـفـت قـبـري بـدمـع يـجـري...بـدمـع يـجري عفت قبري
أنـوح  و مـهـجـتـي تـنـادي... اصـيـح آنـة الـنـبي الهادي
اجـيـت      ارد     ادفـن     اولادي...     ابـدمـع     يـجـري

رسـول  الله أنـة و حـزنـي يظل يزداد**الك يا ربي اشكي لثمود و عاد
بـظلمهم ذبحوا العترة و شملها انباد**و انه بحزني اقصدت للطف على الميعاد
شـفـت يا ربي عالغبرة دما و أجساد**شفت يم الجثث حاضر علي السجاد
يـديـر الـعـيـن يـسـار يـمـيـن**يـسـار يـمـيـن يدير العين
حـزن ابـنـي مـثـل حـزنـي**مـثـل حـزنـي حـزن ابـنـي
بـدمـع عـيـنـي اوصـلـت يـمـه**شـفـت هـمـي مـثل همه
يــنــادي بــلــوعــة الــصـدمـة خـلـص صـبـري

وراعـة  حـلـمـه مـاتجمع فكر محتار**و لا دمع الجفن يخمد سعير النار
اجـيت  و قلت له يا وليدي انه المختار**يا زين العابدين اطلب ردت أخبار
اريـدك يـبـني تخبرني اشحصل و اشصار**عليمن هالنزف يجري شبه أنهار
بـسـمـا الآجـال شـفـت هـالـحال**شفت هالحال بسما الآجال
نـحـر يـطـفـح عـلـى الـمـذبـح**عـلـى الـمذبح نحر يطفح
و اشـوف الـعـتـرة جـدامـي**ضـحـايـا و كـل نـحـر دامي
ذكـرت      اهـمـومـي     و     آلامـي     هَـضـم     دهـري

يا  زين العابدين إسمع يا ظي العين**اطلعت من قبري يا وليدي و اجيت الحيِن
تـرانـي الـمصطفى جدك ولاني البين**أريدك يبني تخبرني على حال حسين
أنشدك يبني عن جاسم و الاكبر وين**و انشدك عالذي ضحّى و نطى الجفين
عــن  الاطـهـار رِدِت أخـبـار**رِدِت أخـبـار عـن الاطـهـار
و  أنـة جـدك تـعـنـيـتـك**لَـوَن تـدفـن هَـلَـك نـيـتك
أعــيــنــك عــالـدفـن جـيـتـك بـجـمـر يـسـري

اخـبـرك  يا رسول الله سما الميدان**على جسوم الاهل تمطر دمع و أحزان
و انـه الـماشافت عيوني سوى الابدان**بلا روس الجثث تنزف على التربان
لـو  انـك لـلـدفـن رايد تجيب اكفان**تراه العترة كفّنها ثرى الكثبان
غُـسـلـهـا  الـيـوم  مـسـيـل دمـوم**مسيل دموم غُسلها اليوم
يـبـو الـعـتـرة الـقـلـب جـمـرة**الـقـلـب جمرة يبو العترة
بـنـيـنـك كـلـمـن بـمـذبـح**غُـسـلـهـم بالدما اليسفح
كــفــنــهــم بــالــتــرب اصـبـح و اظـن تـدري

يـا  زيـن العابدين ادري القلب مجروح**و اريدنَّك مثل نوحي تِوِن و تنوح
جسوم  و كل جسم كلفة يظل مطروح**تعال احفر مضاجعهم يا بعد الروح
اريـدك تـدفـن الـعترة بجفن مقروح**توسِّد من علي الاكبر نحر مذبوح
تـهـيـل  تـراب عـلـى الاطـيـاب**عـلـى الأطياب تهيل تراب
قـمـر هـاشـم مـثـل جـاسـم**مـثـل جـاسـم قـمر هاشم
تـنـزلـه كـلـمـن بـقـبـره**و ابـوك الـمـنـقـطـع نـحره
تــوســد طــفــلــه عـنـد صـدره الـصـدر صـدري