ملف صوتی قلبي عاشق كربلا بصوت باسم الكربلائي

 

 

گلبي عاشق كربله
اشلون أفارق كربله

كربله الأصبحت للعالم شعاع
بقعه طيبه و ما مثلها بالبقاع
شفه صارت للعلل و اشلون قاع
اندفن بيها جسم ابن عقد الوله

أرض طيبه و احتوت جسم الحسين
وين تحصل مثل هاي الأرض وين
اعليها من كل جانب اتشوبح العين
مجد شامخ إلها علكعبه اعتله

كربله امن الباري نالت هالوسام
أسمه من مكه و منه ووادي السلام
ينقبل بيها الدعه ابفضل الإمام
و صرح بهذا الخبر سيد المله

كل نبي ايمر بأرضها و يعتني
يشم تربتها و عليها ينحني
كربله موطن احسين و موطني
و عله الكعبه بالمجد متفضله

هزني شوقي الكربله و دلالي ذاب
هم صدق أرجع و أشم ذاك التراب
و أقصد المرقد شبل داحي الباب
هالأمل جم ذوب أظل أتأمله

لابد انحقق أملنه مو بعيد
و نرجع الماضي مواكبنه نعيد
و ننصب اهناك المآتم من جديد
و بالدمع ذاك الضريح انقبله

للشاعر : جابر الكاظمي