معصومة تنحب لو هذي زينب (مكتوبة) - باسم الكربلائي

قصيدة : مــعــصــومــه تــنــحــب
الشاعر : الأديب علي السقاي

الرادود : الحاج ملا باسم الكربلائی

 

مــعــصــومــه تــنــحــب .... لــو هـذي زيـنـب
نــفــس الـمـحـن شـافـت .... لـجـن يـا لـوعـه أصـعـب
******
سـبـحـانـه  الذي لا صاحبه وياه .... خلق معصومه رحمه و للرضه ترعاه
مـثـال  أمـها  خديجه يم رسول الله .... و مثال الزهره يم حيدر عظيم الجاه
لاجـن  خـاوتـه  ابـدمع الحزن و الآه .... خوة زينب و ما عاشت ابفرقاه
و      بـفـقـد      اخــوهـا      ....     اشـقـد     ألـمـوهـا
مـثـل  الإخوها  ابكربله بالدم تخطب...نفس المحن شافت لجن يا لوعه أصعب
******
مـعـصـومـه  ابـزمـنها و شدة أحكامه .... زينب ثانيه و مدمعها يتهامه
هـي  لـلـرضـه اتـظـل زينب أيامه .... و هو احسينها اللي تحمل آلامه
و  قـوس الـلي رمه زينب امن اسهامه .... ابقلب معصومه مثل اسهامه تترامه
و     گوس     الـمـرامـي     ....     ظـل     دمـعـه    هــامـي
يـبجي  ابسبب رمياته عالقلب التعذب...نفس المحن شافت لجن يا لوعه أصعب
******
مـعـصومه تورثت فقد إخوها من انين .... من عمتها لا شك بمصاب احسين
هـاي الـمـحنه جددها و نقلها البين .... صاحت وين أخويه الرضه عني وين
لاجـنـها  اطلعت  بالرحله عن تعيين .... و بأرض الغرب غمضت جفن العين
ابــهــاي الــمــصــيــبــه .... مــاتــت غـريـبـه
لاجـنـهـا  مو منفيه مو عنوه تغرب...نفس المحن شافت لجن يا لوعه أصعب
******
الـمـحـن تـتـشابه ابكل دمعه كل ونه .... لاجن تختلف باللوعه كل محنه
زيـنـب  مـن  إخـوهـا قطعت الظنه .... ابحين اللي الشمر للمصرع اتعنه
و  اخـت الـرضه هم ظنها انقطع منه .... و فرق من حيث لاعت بالبعد عنه
مــو  يــمــه جــانــت .... لــوعــتــهــا هـانـت
اويـاهـي الـلي جانت بالمذبح أقرب...نفس المحن شافت لجن يا لوعه أصعب
******
يـحـق لـلـفـاطميه أعني معصومه .... عله امصاب الرضه لو تبقه مهمومه
وسـافـه مـن إخـوهـا الغالي محرومه .... و ابفقده دموع اللوعه مسجومه
يـعـيـن الله قـلـب زيـنب المظلومه .... جم مفقود عدها اموسد الحومه
بــاريـنـه    شــاهـد    ....    مــو   عــدهــا   واحــد
جم جثه وسط الحومه جم راس التنصب...نفس المحن شافت لجن يا لوعه أصعب
******
لـو هـالـلـوعـه فـوقـاها ألف لوعه .... لو أحزان هاي الدنيه مجموعه
جـفـن مـعـصومه لو تنزف دمه ادموعه .... جفنها مو جفن زينب ابينبوعه
فـلا  شافت إخوها و جثته مصروعه .... و عله الغبره ذبيح انطحنت اضلوعه
حــزن الــعــقــيــلــه .... مــا صــح مــثـيـلـه
أعـظـم حـزينه و الصبر منها تعجب...نفس المحن شافت لجن يا لوعه أصعب