هدموا قبرك (مكتوبة) - باسم الكربلائي

قصيدة : هدمو قبرك

الرادود : الحاج الملا باسم الكربلائي

للشاعر : الحاج جابر الكاظمي

 

هـدمـوا  گبرك  .... جهلوا قدرك .... ميهمك هدم البنيان
مـا  يـتـغـيـر .... مـا يتأثر .... لو نزعوا جلده القرآن
******
يـا سـادس بـرهـان و حـجـه لـلباري و ثامن معصوم
گبـرك رابـع قـبـر اتـهـدم لـتـظن بس گبرك مهدوم
مـا  زالـت غـربـان الـذلـه اعـلـيكم بالأحقاد اتحوم
وشـخـلـه الـمـوت بـأجـدادك لـو بالمذبح لو مسموم
و  إنت الصادق .... قبرك ناطق .... صاحت أصوات الجدران
خـل نـتـهـدم .... لا ما يتهم .... لو نزعوا جلده القرآن
******
يـا  قـرآن  الـبـاري الـنـاطگ يا حجه اعله المخلوقات
كـل  مـفـصـل  من جسمك آيه ابشخصك مجموعة آيات
گوم  الـطـبـروا جـدك حـيـدر صابوك ابنفس المأسات
غـدروك ابـسـمـهـم يـالصادق و العالم يجذب حسرات
ذبـحـوا  أهلك .... وزعوا شملك .... بين المنصور و مروان
حـيـن  إتـعنوا .... يهلك ظنوا .... لو نزعوا جلده القرآن
******
هـنـد الأكـلـت جـبـد الـحمزه اشراح اتخلف للأولاد
ايـزيـد  و مـروان ايـمـثـلـهـا و الحجاج و إبن إزياد
أرذل مـخـلـوقـات الـبـاري نـطـفـتهم نطفة أحقاد
يـا مـسـمـوم و گبـلـك سـموا جبد الباقر و السجاد
خصمك  ظالم .... طاغي وواهم .... سدد سهمه اعله الفرقان
ظـنـت  ذاتـه .... اتموت آياته .... لو نزعوا جلده القرآن
******
حـاطـوا بـالـمـخـتـار و آله صالوا بالسم و الأسياف
ابـسـمـك أهـداف إلـهـم جانت ما بلغوا ذيج الأهداف
و أحـفـاد الـمـنـهـاج الـكافر تبعوا خطوات الأسلاف
مـثـل  اگبـور آبـاءك هـدمـوا گبرك هالزمره الأجلاف
من هالفتوه .... إتشوف القسوه .... و تعرف ما يضمر سفيان
ظـنـه اتـخـيب .... ما يتغيب .... لو نزعوا جلده القرآن
******
يـبـن الـبـاقـر شـاخـص نـورك لتهمك هاي الأقزام
ابگلـب  الـديـن  اتـشـيد گبرك يالروحك روح الإسلام
جـدك شـتـمـوه اعـلـه الـمـنبر أعوام و تبعت أعوام
ظـل حـيـدر خـالـد بـالـقمه و هُمَّ انسحگوا بالأقدام
جـدك حـيـدر .... من عالمنبر .... شتموه أحفاد الشيطان
ايـظـل  بالقمه  .... شنهو ايهمه .... لو نزعوا جلده القرآن
******
عـطـشـانـه الأسـيـاف الدمكم يالصادق يشهد عاشور
سـفـيـان  اتـولتكم  بالطف گطع ارگاب و سلب اخدور
تـسـمـع أهـل الـجـبـهة السوده يسمعني المفتي المأجور
كـل هـذا الـعـالـم مـا بـدلـه بـإصبع لحسين المبتور
الـمـفتي السامع .... و اللي يتابع .... خل تسمع كل الأديان
سـر الـمـنـزل .... ما يتبدل .... لو نزعوا جلده القرآن
******
بـرض الـطـف سـفـيان اشخلت خلت بس الهم و النوح
يـا  مـن  دمـعـة عـيـنـك تشبه دم نحر حسين المذبوح
لا  شـك و انـت ابگبـرك تـنـحب لمن ذكر الطف يلوح
رب  الـكـون ايـعـظـم أجـرك انعزيك ابجمرات الروح
وبوادي الطف .... شفنه المصحف .... دمه ايسيل اعله التربان
يـحـيي الأمه .... ابنوره و علمه .... لو نزعوا جلده القرآن