ادفنك بيدي يالغالي (مكتوبة) - باسم الكربلائي

قصیدة : رايـح  حـبـيـبي وبعد ماتشوفك عيوني
الشاعر : الأديب الحاج جابر الكاظمي

الرادود : الحاج ملا باسم الكربلائي

رايـح  حـبـيـبي وبعد ماتشوفك عيوني .. وشلون أشوفك إذا منك يحرموني
يـانـجـمة سهيل مكانك بالسما خالي .. من ينكَضي الليل أدفنك بيدي يالغالي
******
الـحـبـيـب  انـت الحبيب العايش بدمي .. كثر ما ألهج بإسمك نسيت أسمي
مـن أشـوفـك يـالـحسن ينزال كل همي .. مثل ظلك كنت وياك يابن أمي
الـلـيـلـة يـمـي بـاجر انت مو يمي .. أدفنك بيدي ياريت أندفن جسمي
شـمـعـة حـيـاتـي بوجودك تزهي خليها .. إرحم عضيدك حبيبي لا تطفيه
ايـاشـمـعـة البيت وسافة تنطفي تالي .. من ينكَضي الليل أدفنك بيدي يالغالي
******
يـاريـحـانـةوجـودي ويـانجم سعدي .. أخوك حسين آنا وغيرك شعندي
مـحـبـتي وياك من دور المهد تبدي .. من أشوفك أنسى كل قومي وأهل ودي
وحـين الموت أخذ روح النبي جدي .. كَعدت يمي ومسحت أدموعي من خدي
يـالـمـاعفتني ولا لحظة الكَلب عافك .. لمن أشوفك أشوف الهادي بأوصافك
مـاحاسب  حساب فركَتك ماتجي ببالي .. من ينكَضي الليل أدفنك بيدي يالغالي
******
بـمـصـيـبـة فـاطمةأمناوهجوم الدار .. جنت أنت شريك بحزني والأكدار
عـلـى جـثة أمنا من طحناذكرت شصار .. سمعنا السما بصوت تصيح ياكرار
يـاحـيـدر نـحـي أولادك ياحامي الجار .. عليهم هلت أملاك السما الأعبار
يـالـشـاركتني  بمصيبة فاطمة وحدك .. من هو الـيشارك دليلي بنايبة فكَدك
أتـمـنـى  هالموت أشوفه عايش بدالي .. من ينكَضي الليل أدفنك بيدي يالغالي
******
رسـول الله دمـعـنـا الـ يـجري فارقناه .. بنعش أمنا الوديعة بحزن شيعناه
وأبـونـه الـمـرتـضى بمحرابه شاهدناه .. يلوج بطبرته وشيبه أنخضب بدماه
حـمـلـنـاه عـلـى جفين الوفه وشلناه .. جنت آنا بيساره وانت على يمناه
وحـدك  عـضـيـدي وتعاوني على سنيني .. بفراق أبونه أشوفك حيدر بعيني
الـمـن  يامسموم أروح وأشتكي حالي .. من ينكَضي الليل أدفنك بيدي يالغالي
******
جـنـت  إنـت الـجـبـل واتـلاوذ بسدك .. بعد بيمن ألوذ يالحسن بعدك
يـاريـت  الـسم  فطر جبدي قبل جبدك .. حفر لحدي المماتي ولا حفر لحدك
أذا عـنـي أرحـلـت يـابـن أمي شيردك .. أذا عني غبت شترجه من عندك
يـالـفـارقتني  وخذت قلبي وخذت روحي .. ألمن أهود بعد آلامي وجروحي
جم لوعة ومصاب غدت هالليلة تبرى لي .. من ينكَضي الليل أدفنك بيدي يالغالي
******
أعـوذ بـصـبـر قـلـبي وأحتمي بجوداك .. وألوذ بغيرتك يالحسن وأترجاك
الـمـوت  الـ راد روحك لا تكَله هاك .. دخيل الله دخيلك من هضم فركَك
أذا  شـفـت الـقـبر ضم جسمك ووارك .. أريد بقبرك أسكن وأندفن وياك
أتـمـنـى مـوتـي ولا هالدنيا يابن أمي .. شلي بحياتي وحبيب القلب مو يمي
من  أسمع الموت يصيب وصوته أوحى لي .. من ينكَضي الليل أدفنك بيدي يالغالي