سلام سلام (مكتوبة) - باسم الكربلائي

 

سلام سلام

سلام  على كل طعنة و كل طبره بجسمك ....سلام سلام
إعـلـه  كـل قـطرة السالت من دمك ....سلام سلام
******
ذاك الـجـبـيـن الـلـي يشع....فوق العواسل مرتفع
ذاك الـجـسـد يـا سيدي.... الدامي السليب المنصرع
ذيـك  الـدمـاء الـجـاريه.... و ذاك الوريد المنكطع
أبـعـث سـلامـي من جفن.... بيه تطفح أمواج الدمع
سلام  سلام ....على صبرك يا مظلوم و حلمك.... سلام
******
ويـايـه  عـايـش مـنـظـرك....ليل و نهار أتذكرك
لـو  شـافـت اعـيـونـي نهر.... أذكر منابع منحرك
و  أبـدي أسـلـم عـل الـنحر ....و علتراب العفرك
كـل  دمـعـه من جفني تهل.... ترسملي قطعت خنصرك
سـلام سـلام ....على أحزانك يحسين و همك.... سلام
******
مـن  أذكـر الـدم الـيسح ....من صبري يتهدم صرح
و أمـزج مـنـاهـل عـبـرتي .... دم الوريد المنسفح
كل  طعنة كل رمية سهم ....و كل طبره بيك و كل جرح
تـرسـم  صـورة مـصـرعك.... و أنظر محمد منذبح
سلام  سلام ....على كل جثة اللي طاحت يمك ....سلام
******
كـل  دمعه كل حسرة قلب.... كل مفصل بجسمي سأل
يـا عـجبة راسك سيدي.... عن جسمك اشلون انفصل
و  يـرتـل آيـات الـوحـي.... يـتنقل بروس الأسل
سـلـم عـلـى اصواب الحجر ....علشيبه علدم النزل
سلام سلام ....على كل حرف اللي كون اسمك ....سلام
******
جـسـمـك  يـبو الأكبر خذم....بيه تنهش أظفار الألم
مـن  طـبرة لو طعنة رمح ....كل عضو بجسمك ما سلم
أبـعـث تـحـيـة الكل عضو ....من شربة الماي انحرم
و ذيـج الـشـفـاه الـذابلة ....قلبك المصيوب بسهم
سـلام  سلام.... على زودك بالهيجاء و عزمك.... سلام