يا ابا الفضل ناديت (مكتوبة) - باسم الكربلائي

قصيدة : يــا بــالــفــضــل نـاديـت

للشاعر : الأديب الحاج جابر الكاظمي

الرادود : الحاج ملا باسم الكربلائی

يــا بــالــفــضــل نـاديـت ..... هـالـيـوم إجـيـنـه
بــيــا  حــالـه و بـيـا ضـيـم ..... مـن يـدري بـيـنـه
******
بـالـعـيـله و الايتام يا خويه جيتك ..... بالقبر وسفه و حيف نايم لقيتك
ريـتـم  عـدل و اتـشوف هالحاله ريتك ..... بيا حاله يا عباس يمك لفينه
******
لـلـطـف  يـا خويه اليوم لمن وصلنه ..... و بروحي هاجت لفراق أهلنه
ظـلـيت  أصيح ابصوت وين الكفلنه ..... هذا النهر جاوين حامي الضعينه
******
عنك رحت و العين تربي اعله جسمك ..... لو بيدي يا عباس جنت أبكه يمك
يـا بـالفضل مكتوب همنه وي همك ..... إنته ابدماك اتموت و احنه انسبينه
******
سـهـم  الـنبت بالعين صوب دليلي ..... و من ضربة العامود جمرة غليلي
ابـدمـعـة فزع ناديت لا يا كفيلي ..... لو ما غصب ما جان عنك مشينه
******
يـا بـا الـفـضـل عـفـناك بالغاضريه ..... و الرايه و الجفين يمك رميه
الـدرب الـيسر برضاك أطلع سبيه ..... اطلعنه ابيسر و انصيح وليه انولينه
******
مـن عـقب زودك ذاك يا قمر هاشم ..... صار الشمر حداي ظعن الفواطم
عـالـعـيله  و الايتام دلالي حايم ..... و كل ساعه طفله تصيح والينه وينه
******
بـهـالـحـالـه يا عباس عنك طلعنه ..... ريتك يخويه اتشوف محنة وضعنه
و  احـجـايـة  الشمات عقبك سمعنه ..... يا بالفضل و الناس جاروا علينه
******
جـنـه  ابيسر  و اليوم ردينه يمكم ..... نجري الدمع و انصيح تقبل شيمكم
يـهـل  الـشـيم لاوين تطلع حرمكم ..... ردوها يا الأكرام لرض المدينه