على الكاظم انوح بليل (مكتوبة) - باسم الكربلائي

قصیدة : أبوذيّه في رثاء الإمام الكاظم عليه السلام

عـلـى الكاظم أنوح بليل و نهار
و اصـب الدمع شبه السيل ونهار
جـسـم باب الحوايج ذاب ونهار
مـسـجون  و  جرع جاس المنية
******
امـصـابك  نحل اعظامي ورضها
أسـلي  اشلون أنا روحي ورضها
بـجـه الحزنك سمه العليه ورضها
الـهضم  سجنك  يا فخر الطالبية
******
يـا من يالكاظم البسمك لاذ يامن
الـقلوب  اعليك  يا مسموم يامن
مـا خـاب الـتمسك بيك يامن
صـرت  بـاب الـحوايج للبرية
******
سـره ضـعن الغرب بينه ولاوين
بـعـد  لا  نـوح ينفعنه ولاوين
ويـن انـروح يـالكاظم ولاوين
نـنـطـي الوجه يا روح الزجية
******
الـسائل  سأل شنهو الصار وجره
و  ليش أمست مهجنه ابنار وجره
قـلـت كاظم الغيظ انفقد وجره
مـدامـعـنه و فجعنه ابها الزريه
******
بـإسـم باب الحوائج حين سموك
ابوسام الشرف أهل الشرف سموك
وسـف قوم اغدر بالسجن سموك
و بـقـه فوق الجسر نعشك رميه
******
جـم مـخلص حمل صبره و لامال
يـتاني  و ما ضعف قلبه و لا مال
الـشيعه  إجت عالموعد و لا مال
تـحـظـه  إبشوفتك يبن الزجيه
******
يـمن جدك الدرب العدل منصاح
الـزمن وي شيعتك لليوم منصاح
نـاعييك شعب جم قلب منصاح
إنـجـتـل مسموم إمام الرافضية
******
جـم  بيده  قطع جذمي و بيداي
و أكـف الدمع بجروحي و بيداي
ضـريـحك مرهم العله و بيداي
طـبـيـب  إنت يبو إبراهيم إليه
******
ابـعـسر  مريت  بالدنيه و بيسار
ابيمين أشقف سهم دهري و بيسار
إجيت  أسري ابجرح قلبي و بيسار
بـالـكـاظـم  أعزي الكاظمية