راسي عالي (مكتوبة) - باسم الكربلائي
منذ ١٣ سنة٥٠٢مشاهده
قصيدة : راسـي عـالي إبخدمتك راسي عالي
الشاعر : السيد عبد الخالق المحنه
الرادود : الحاج ملا باسم الکربلائي
راسـي عـالي إبخدمتك راسي عالي
******
و حـقـك لـو بـقيت بآخر أيام
أقـوم الـخـدمتك و أتحزم إحزام
قـبـل جان اليخدمك حكمه إعدام
تـحـديـت و صحت خدام خدام
شـرفـتـنـي إمحبتك راسي عالي
******
خـدمـة و ما يهمني إشقالت الناس
أنـا عـندي الحسين و عندي عباس
صرت صوت الجرح يالعندك إحساس
ألـف مـوته أموت و ما أطخ راس
لا أزال إبـحـضـرتك راسي عالي
******
إذا تـطـردني وين أنطي الوجه وين
تـقـول الـناس هذا العافه الحسين
تـظـل دوم إعله بابك تدمع العين
بـعـد مـحبوب مثلك يحصل إمنين
لا تـذبـنـي إمـروتك راسي عالي
******
يـشـوفوني ملك و أعرف يغارون
يـحـسدوني عله الخدمه و يلومون
و اجـيـلك و أشتكي من اليقولون
و إذا تـرضـى عليّ خلهم يزعلون
يـا حـسـين إبشيمتك راسي عالي
******
طـريـق الـمـوت مـحد يعتني ليه
و أصـيحن يا حسين و أركض إعليه
عـشـق و الناس كلها إتعجبت بيه
طـريـقك لو يصير إسيوف أمشيه
يـالـلي روحي إتمنتك راسي عالي
******
صـحـيـح اللي يخدمك ترفع إسمه
أمـيـر إيـصـيـر و الوادم تخدمه
تـبـوس الـناس حته إتراب جدمه
شـمـس و الما يشوف الشمس أعمه
بـيـدي رافـع رايتك راسي عالي
******
إذا مـو مـثـلـي خادم صار إبني
أرفـضـه و لا أحـبـه و لا يحبني
لأن أدري إذا أكـبـر يـذبـنـي
أريـده كـون بـالـخدمه إيغلبني
حـتـه أصـير بهيبتك راسي عالي
التعلیقات
١