ودعتهم غيمه وتودع سحابه (مكتوبة) - باسم الكربلائي
منذ ١٢ سنة٦٩٦مشاهده
قصيدة : ودعـتـهـم غـيـمه و إتودع سماها
الشاعر : السيد عبدالخالق المحنّه
الرادود : الحاج ملا باسم الکربلائی
ودعـتـهـم غـيـمه و إتودع سماها...عاتبتهم شمعه و إتموت بضواها
لـيـل الـهـجـر سـهـرتـه ...و الـمـا رجع عذرته ...ودعتهم
******
أنـطـي عمري لليقلي عن خبرهم ...ضيعوني إبغربتي و طول سفرهم
روحـي دمـعه و آنه عالنار أنتظرهم...و بسلامه لو إجو أقبل عذرهم
مـا أخـل كـل أثـر دمعه إعله خدي...لو تقلي ما إجو يا دمعه ردي
دمـع الـعـتـب تـركـتـه ...و الـمـا رجع عذرته ...ودعتهم
******
آنـه ولـدي الأربـعـه للطف ردتهم...قلبوا الدنيه لجل دمعة إختهم
مـن زغـرهـم بأبو الأكبر ولتعهم ...هذا إخوكم تاج راسي علمتهم
عـلـمـتـهم لو بجت زينب يجوها...دربتهم و الإخت يكفلها أخوها
إلـهـا الـقـمـر ذخـرتـه...و الـمـا رجـع عذرته ...ودعتهم
******
أروي قـصـة بـيـر يوسف دوم إلهم...عن إخوته الباعوا الخوه أقلهم
جـانـوا إيزعلون و أفرح من زعلهم...إخوتك يحسين لا ما صح مثلهم
دولـه إخـوه بـيهم إتواجه حسودك...هم فدوه و المهم أنظر وجودك
هـذا الـذي حـسـبـتـه...و الـمـا رجـع عـذرته ...ودعتهم
******
آنـه أحـسـده الـيموت إبين ولده...من يدير العين كل أحبابه عنده
أكـبـر أولاده يـجي إبقبره يوسده...هذا حلمه اللي يظل بالدار وحده
مـن جـفـوني موتي شفته و ما شفتهم...ما إجوني مني راحوا أربعتهم
و الـخـامـس إنـتـظـرتـه ...و الـمـا رجع عذرته ...ودعتهم
******
مـن يـطيح المطر للغيمه إشيرجعه...و اليموت إشلون ويه الحي تجمعه
أدري مـاتوا لكن المر إشيجرعه ...آنه أصيح و صوتي يرجع لي و أسمعه
يـا مـنـيـتـي حـته إنتي ما تجيني...ما إجيتي خل أسافر وي بنيني
هـذا الـعـمـر كـرهـتـه...و الـمـا رجـع عذرته ...ودعتهم
******
مـا بـقـه غـير الحزن عندي إبغربتي...هو من أنسه يذكرني إبدمعتي
حزني يسأل بيش إجيتي بيش رحتي...و إنتي يا وسفه زرعتي و ما حصدتي
شـرفـونـي وافـوا الـزهـره الزجيه...ما نسوني نفذوا كل الوصيه
أغـلـه الـثـمـن دفـعـتـه...و الـمـا رجع عذرته ...ودعتهم
التعلیقات
١