مسلم وحيد (مكتوبة) - باسم الكربلائي
منذ ١٢ سنة٦١٠مشاهده
قصيدة : مـسـلم إوحيد تمنيتك تحضره
للشاعر : السيد عبدالخالق المحنّه
الرادود : الحاج ملا باسم الكربلائی
مـسـلم إوحيد تمنيتك تحضره
يـبـو فـاضـل يـبو فاضل
******
هـذا بن عمك...همه من همك
دمـه من دمك...إقصد الكوفه
مـسلم إيريدك ...و العلم بيدك
و الحرب عيدك...إقصد الكوفه
غـدرة الناس و لا واحد ينصره
مـسـلم إوحيد تمنيتك تحضره
يـبـو فـاضـل يـبو فاضل
******
يشعر إبلوعه...عنده بس طوعه
نـزلت إدموعه...رد يبو الأكبر
صاح غدروني ...وحدي خلوني
لـو تـسمعوني...رد يبو الأكبر
قـالوا حسين إذا يوصل نغدره
مـسلم إوحيد...وين أبو الغيره
مـسـلم إوحيد تمنيتك تحضره
يـبـو فـاضـل يـبو فاضل
******
ويـن أبو الغيرة...مسلم ابحيره
وحده بالديره...وين أخو زينب
الـكـوفه رادتها...هاي ساعتها
طوعه قالت له...وين أخو زينب
كونك إوياه ألف عسكر تكسره
مـسـلم إوحيد تمنيتك تحضره
يـبـو فـاضـل يـبو فاضل
******
مسلم إيصدها...و إنت تحصدها
حـمـلـه رايدها...حملة الكرار
جـرد الـصارم...يا قمر هاشم
ذكـر الـوادم ...حملة الكرار
و النسه الحيد أبو الحمله تذكره
مـسـلم إوحيد تمنيتك تحضره
يـبـو فـاضـل يـبو فاضل
******
ساعد إبساعد...صوتكم واحد
حـيـدر القائد...لو ألف موته
ما تهمنه الناس...مسلم و عباس
مـا نطخ الراس...لو ألف موته
كـل الأجيال تظل تاخذها عبره
مـسـلم إوحيد تمنيتك تحضره
يـبـو فـاضـل يـبو فاضل
******
وسفه عالأبطال...تنسحب بحبال
و الله مـا تنقال...يا ألف وسفه
يـا غريب الدار...ما إلك أنصار
تـشـهر البتار...يا ألف وسفه
تـصـبر إشلون حميده لو تنظره
مـسـلم إوحيد تمنيتك تحضره
يـبـو فـاضـل يـبو فاضل
التعلیقات