ليش ماشافت اعيوني الفرح (مكتوبة) - باسم الكربلائي
منذ ١٢ سنة٥٢٣مشاهده
قصيدة : لـيـش... مـا شـافـت إعيوني الفرح
الشاعر : السيد عبدالخالق المحنّه
الرادود : الحاج ملا باسم الكربلائی
لـيـش... مـا شـافـت إعيوني الفرح
يـوم الـعـرس قـلـبي إنجرح... ليش
******
يـبـنـي... يـغـالي حنتك ظلت بديه
يـبـنـي ... بـعد هيهات ما نلتم سويه
يـبـنـي... أشـوفـك وين يالمبعد عليه
يـبـنـي ... أراويك الزمان إشسوه بيه
لـيـش ... مـوج الـحـزن يبني طفح
يـوم الـعـرس قـلـبي إنجرح... ليش
******
يـمّـه ... عـرفنه المات إبنها إتزور قبره
يـمّـه ... دمعها إعله القبر يجري و تنثره
يـمّـه ... و أنـا قـبرك يغالي وين أدوره
يـمّـه ... أهـيـم و أنـهضم لمن أذكره
لـيـش... و إبـيـا ذنـب إبـني إذبح
يـوم الـعـرس قـلـبي إنجرح... ليش
******
ويـنـك... يـيـمه من أفز نص الليالي
وينك ... تعال و شوفني و إبجي إعله حالي
ويـنك ... و أباوع عن يميني و عن شمالي
ويـنـك ... و لو بس بالحلم تحضر يغالي
لـيـش... وحـدي و زمـاني ما نصح
يـوم الـعـرس قـلـبي إنجرح... ليش
******
روحـي... يـجاسم وي وداعك ودعتها
روحـي... إذا مـو إنـت يـمي ما ردتها
روحـي... يـيمه إبسيف هجرك قطعتها
روحـي... تـعـال و شـوفها يالعذبتها
لـيـش... دم و دمـع عـيـنـي سفح
يـوم الـعـرس قـلـبي إنجرح... ليش
******
جـاسـم... ييمه بالحلم إسأل عله أمك
جاسم ... يبعد أهلي أريد الصدري أضمك
جـاسـم... يـيمه لو جبل ما شال همك
جـاسم... جنت أشتاق أشمك و آنه يمك
لـيـش... عـمـر الـورد عمرك صبح
يـوم الـعـرس قـلـبي إنجرح... ليش
******
ويـلـي... ييمه و ساعة إمصابك شفتها
ويـلـي... لـجـن ساعة فرح ما جربتها
ويـلـي... يـجاسم جلمة إشلونك ردتها
ويـلـي ... ضـعيفه أمك يغالي و شيبتها
لـيـش... بـس همك و هجرك وضح
يـوم الـعـرس قـلـبي إنجرح... ليش
******
يـمـتـه ... تـسافر يالحزن و إتعود ليام
يـمـته ... يرد بيه الزمن و يرد لي جسام
يـمته ... و أقول اللي يفارق جاسم إينام
يمته ... بعد و أنسه الهضم و إتروح الالام
لـيـش ... يـا وسـفه دهري ما سمح
يـوم الـعـرس قـلـبي إنجرح... ليش
التعلیقات