شمس (مكتوبة) - باسم الكربلائي
منذ ١٣ سنة١.٥Kمشاهده
قصيدة : شمس
الشاعر : علي السقاي
الرادود : الحاج ملا باسم الكربلائی
بحر جروحك ظل يتماوج ،، ي حسين من دماك
مثل طيورالنورس نزلت ،، يمك هالاملاك
هذا يغطيك بجنحانه ،، ذاك يون وياك
والشمس تسامحها تمنت ،، زادت من ضماك
******
شمس العاشر شافت منظر وانت على التربان .. بالمصرع نايم وجروحك غطتها التربان
بس هاي شفافك تتحرك ومغمض الأجفان .. شتقول انت بهاي اللحظة ما يمك انسان
قامت تستعجل مغربها وتصغي لك بأحزان .. سمعت همسة تصم الدنيا ي التهمس عطشان
******
الشمس بحزن احترقت اكثر وتقلك رحماك
و اتمنت لو شانت تقدر تمطر فوق شفاك
******
بحر جروحك ظل يتماوج ،، ي حسين من دماك
مثل طيورالنورس نزلت ،، يمك هالاملاك
هذا يغطيك بجنحانه ،، ذاك يون وياك
والشمس تسامحها تمنت ،، زادت من ضماك
******
محتارة الشمس شما تحزن بيها تزيد النار.. فوق ضماك تزيدك اكثر وتقدم اعذار
مو وقت الليل الياخذها والمغرب ما صار .. وتشوف الشمر وتتلفت بين يمين يسار
تبحث عن غيمة تمر بيها مو لجل الأمطار .. بس حتى الذبحك ما تنظر وتغض الأبصار
******
لكن هذا عليها تقدر ب المبذبح تلقاك
وبيوم المحشر يم ربها تشهد ضد عداك
******
بحر جروحك ظل يتماوج ،، ي حسين من دماك
مثل طيورالنورس نزلت ،، يمك هالاملاك
هذا يغطيك بجنحانه ،، ذاك يون وياك
والشمس تسامحها تمنت ،، زادت من ضماك
******
هالامواج المرجانية من النحر المذبوح .. فيض من الرحمة ويتنازف لو دمك مسفوح
الله تولى القبض بايده واستقبل هالروح .. عبرة روحك فوق جروحك ظل جسمك مطروح
كسرت عين الشمس انوارك فوق الرمح تلوح .. وعلى مصابك أُفق العالم كل غروب ينوح
******
يا من صار غيابك مَشرق والنور ب ذكراك
صلى الحزن عليك وسلك ي حسين وحياك
******
بحر جروحك ظل يتماوج ،، ي حسين من دماك
مثل طيورالنورس نزلت ،، يمك هالاملاك
هذا يغطيك بجنحانه ،، ذاك يون وياك
والشمس تسامحها تمنت ،، زادت من ضماك
التعلیقات