يا علي يا بني (مكتوبة) - باسم الكربلائي

القصیدة : يا علي يا بني

الشاعر : عبد الخالق المحنة

الرادود : الحاج ملا باسم الكربلائي

من قطع اوصالك بسيفه يا علي يا بني .. بعدك على الدنيا العفا فرقاك شيبني
أكبر ي نور العين ، ي معفر الخدين ..
******
ي وليدي قلي ي جرح يآذيك حاجيني .. انت العمر وانت الصبر وانت نظر عيني
تاليها ي بني ي علي تمشي وتخليني .. راح الصبر بعد الولد وينه اليواسيني
******
دمي ودمع بيدي ، جاوبني ي وليدي ..
******
من قطع اوصالك بسيفه ي علي ي بني .. بعدك على الدنيا العفا فرقاك شيبني
أكبر ي نور العين ، ي معفر الخدين ..
******
يا شمعة سنين العمر ي كوكب أحلامي .. رايح ي ضي عيني وأظل بالحسرة والامي
مطروح اشوفك يا حلم فوق الارض دامي .. يالغالي وادري بالدمع ما يرتوي الضامي
******
وياك اخذ روحي ، يا بلسم جروحي ..
******
من قطع اوصالك بسيفه يا علي يا بني .. بعدك على الدنيا العفا فرقاك شيبني
أكبر ي نور العين ، ي معفر الخدين ..
******
منتظرة ليلى بالخيم تتأملك ترجع .. ما تدري بسيوف العدى ي مهجتي مقطع
لو وحدي أرجع للخيم من الخيم تطلع .. تعرف جوابي ي علي لو شافت المدمع
******
ي العترب مطروح ، وياك اخذها الروح ..
******
من قطع اوصالك بسيفه يا علي يا بني .. بعدك على الدنيا العفا فرقاك شيبني
أكبر ي نور العين ، ي معفر الخدين ..
******
عذبني يومك ي علي والراس شيبته .. ناديتك اقعد ي الولد النوم طولته
جَرحك سكن وسط القلب واكبر جرح انت .. سور وبنيتك بالدمع وعليا هدمته
******
زينب شجاوبها ، كثرت مصايبها ..
******
من قطع اوصالك بسيفه يا علي يا بني .. بعدك على الدنيا العفا فرقاك شيبني
أكبر ي نور العين ، ي معفر الخدين ..
******
زينب إذا سمعت علي راح شيصبرها .. محتار أنا بزينب أظل وشلون اخبرها
مهضومة زينب يا علي فرقاك يكسرها .. أُم اليروح الها ولدها من تبشي نعذرها
******
ما تطفي جمرتها ، معروفة ونتها ..
******
من قطع اوصالك بسيفه يا علي يا بني .. بعدك على الدنيا العفا فرقاك شيبني
أكبر ي نور العين ، ي معفر الخدين ..
******
يالفارقتني بغربتي وياك إخذ عمري .. ي وليدي وي دم هامتك فاض ونزف صبري
نار الحزن صارت تشب من صدرك وصدري .. يا بويا أغلى من الهوا ومن النفس تدري
******
ي الغيرك شعندي ، جرحك مُرد شبدي ..
******
من قطع اوصالك بسيفه يا علي يا بني .. بعدك على الدنيا العفا فرقاك شيبني
أكبر ي نور العين ، ي معفر الخدين ..