الأكبر والنبي (مكتوبة) - باسم الكربلائي

القصيدة : مابين الأكبر والنبي
الشاعر : السيد عبدالخالق المحنة
الرادود : الحاج ملا باسم الكربلائی

مابين الاكبر والنبي ماي
ورفض يشرب علي
رغم العطش قال انتظر
لمن يشربه والدي
حسين يا حسين يا مظلوم
******
ماي العذب بيد النبي
جابه وللاكبر قدمه
ويقله يوليدي ارتوي
خل تنطفي نار الظمة
يا جدي ما اشرب ابد
عطشان ابن حامي الحمة
عفته يلوج من العطش
وينادي يمة فاطمة
يا جدي رد ماي العذب
قبل الابو ما ينشرب
مهما كثر بية العطش
يا جدي لا ما أرتوي
******
يا جدي طبروا هامتي
كتله المهر رد بالعجل
ناديته ارجع وافتهم
متوجه ال صوب الخيم
يا جدي سد عين المهر
دم هامتي لمن نزل
تيه طريقه يا اسف
والعسكر عليه حمل
حال ال ابو ما وصفة
ونادى على الدنيا العفة
واتمدد وياي وبجة
المن عفتني يا علي
******
ضامي ابو فاضل بقه
قبل الاخو لا ما شرب
اشرب قبل جبد الابو
وانا اشعر بقلبه التهب
يا جدي والسانه انفطر
يابس يجد مثل الخشب
وينادي هل من ناصر
يا جدي راونة العجب
نظرة وداع ال عيلته
يا جدي سالت دمعته
وطفاله تصرخ بالخيم
بلكت ابو فاضل يجي
******
أشرب لذيذ الماي انا
هذا الامر ما ينقبل
يا جدي يبجي من العطش
خليته عبد الله الطفل
واصعب جرح جرح الابو
ابنة على صدرة ينكتل
جابوا رباب اتلكتة
فقد الوصل ما ينحمل
من شافت بنحره السهم
طاحت رباب من الالم
وام الحزن تركض اجت
يم الرضيع استقبلي
******
يا جدي انظر والدي
ظامي وقف يم النهر
بجفوفه من شاف العذب
حاول يشربة وما كدر
نادوا عجيبة ترتوي
وعيالك ايمسها الخطر
يا جدي ذبه وماشرب
من العطش قلبة انفطر
ابنك تشوفه بهالوضع
واسيني يا جد بالدمع
زينب بقت متحيرة
وتنادي يا فزعة علي
******
ما أشرب الماي الذي
منه ابو اليمة انحرم
يا جدي كيف اروي القلب
وحسينك بقلبة السهم
وادري بطبايع والدي
ما يرتوي قبل الحرم
عين ال تصد على النهر
عين ال تصد على الخيم
من صابة ال مثلث وقع
يا جدي والعسكر فزع
سكنة تنادي يا ابة
زينب تنادي كافلي
******
يا جدي انظر للشمر
انظر تربع عالصدر
يا جدي يا حيدر علي
منين اجاكم هالصبر
زينب تشوفة بيا قلب
جسمة بكتر و راسه بكتر
يا جدي هجموا عالحرم
وبلا حمة المن تفر
يا جدي هاي ام الحزن
شوف السياط على المتن
صاحت دخيلك يا علي
ومخدرتكم تنولي