غيب قمر
قصيدة : غيب قمر
للشاعر : السيد سيف الذبحاوي
الرادود : الحاج ملا باسم الكربلائی
غيب قمر ...هادي البشر...خسف الأجل
صـوت الضلع......أذن دمع... لمن رحل
******
ضـلـع الـسـمه ابباب النوايب منهشم
عـيـن الـوحـي تهمل دمع مهوه النجم
اعـلـه اهـل الكسه وجه المآسي ينرسم
طـه إنـفقد... و ظل للابد ...ليل الوجل
******
مـن تـزهـر بـوجـه الـنبي جنة عدن
لـلـرحـمـة يذبح سيف إبن عبد الوثن
يـقـتـل مـحـمـد لو عصر أم الحسن
لأم الـحـزن... يبجي ويحن... خير العمل
******
الـدنـيـا وحشة ومظلمه إخدود الصبر
وبـلا صـده انـجوم السمه اتشيع البدر
مـعـراجـه لـلـه ومـايـضم طه القبر
للرب عرج... و باب الفرج... بعده اشتعل
******
خـيـم عـلـى الـعـالم ظلام الفاجعه
واهـتـزت أمـلاك الـسـماء السابعه
ابـيـوم اللي يذهل كل رضيع و مرضعه
بـرزت سـقر ...وين المفر ...ماضل أمل
******
لامــأذنـه أذن وريـد الـفـاتـحـه
وأم الـسـور عـالـهـادي نظره شابحه
الـدنـيـا خـسـرت والـجنان الرابحه
بـالـمصطفه... دمع الوفه... من دم همل
******
إبـدمـع الـصـبـر غسل محمد حيدره
ولا واحـد امن اصحابه عند دفنه احضره
ابـصـورت سـقـيفه تجله إبليس الوره
جـبـت الكفر... صدر أمر... عودة هبل
******
واجـتـمـعـت الامة اعلة باطلها وصفه
تـاج الـولايـة وحـده عقب المصطفه
حـيـدر عـلـيـه أهـل الغدر متحالفه
تـحـمل حقد ...بدر وأحد... أهل الجهل
******
بـعـد الـنـبـي ماتنشف آيات الدمع
ولا يـكـتـفي الكفر بكسر أطهر ضلع
بـالـطـف حـقـد أهل السقيفه يجتمع
ويحدي السبه... ابركب الابه ...عن الاهل
التعلیقات