السلطان (مكتوبة) - باسم الكربلائي

القصيدة : السلطان
الشاعر : نجم الصراف الكاظمي

الرادود : الحاج ملا باسم الکربلائي
 المناسبة : شهادة الامام الرضا ع

علينا الرضا سلطان علينه
وشمس من نور عرش الله علينه
صفاته واسمه من حيدر علينه
امام وباب حاجات البريه
******
يشمس الله ويا سلطاني
يكوكب ما إلك ثاني
بني العباس حنت لك راس
ياكوكب ما إلك ثاني
******
سماوات السمه السبعه
بترابك كلها تتبارك
هبط روح القدس نفسه
تعنه المرقدك زارك
يطوف وينثر الرحمه
اعله زوارك وسط دارك
ملوك التحضر اتزورك
تمر تتبارك ابنورك
ابوفه واحساس حنت لك راس
يكوكب ما الك ثاني
******
إبن هارون إله غايه
جمع اهل الملل كلها
يريد الكل بني حيدر
لَوَن يذلك يذلها
بديت بعلمك القدسي
تسائلها وتجادلها
غدت اهل العلم تشهد
إلك وحدك يبو محمد
إعله كل مقياس حنت لك راس
ياكوكب ما إلك ثاني
******
ياقرآن الوحي الناطق
تردد روحي آياته
لون سائل يدق بابك
يندبك تقضي حاجاته
بجلاله الباري يقضيها
بكراماته ولطف ذاته
مثل جدك ابو الأكبر
بغرب والناس إلك تحضر
صرت نبراس حنت لك راس
ياكوكب ما إلك ثاني
******
وحق عبدالله والمنحر
وحق لوعة علي الأكبر
وحق جفين ابوفاضل
وضلعها لفاطمه وحيدر
لخدمك واخدم العتره
واظل افخر وازيد اكثر
وحق جدك ابو القاسم
اصير الخادمك خادم
وسمه النوماس حنت لك راس
ياكوكب ما إلك ثاني
******
إلك اقسم وحق جدك
نجاتي بمحشري بيكم
كتب ضلعي بوسط قلبي
لحد الموت أواليكم
واذا تتعسر ايامي
اناجيكم بأساميكم
واذا ربك يزكيكم
اذاً واجب اوافيكم
جميع الناس حنت لك راس
ياكوكب ما إلك ثاني