لا تلوموني (مكتوبة) - باسم الكربلائي

القصيدة : لا تلوموني
الشاعر : السيد عبد الخالق المحنة
الرادود : الحاج ملا باسم الکربلائي

لاتلوموني لاتلوموني
حب الحسين أجنني
******
اي نعم مجنون من يوم العرفته
اعقل الناس التسودن من محبته
لاتلوموني اذا ثوبي مزكته
لا تلوموني إذا راسي طبرته
لاتسألوني لاتسألوني
حب الحسين اجنني
******
هذا صدري يسيل دمه وما أوافي
وأنا من أمشي أزوره أمشي حافي
الناس من شافتني صاحت كافي كافي
والله ماأنسى أبواليمه هتافي
ماتغيروني ماتغيروني
حب الحسين اجنني
******
لو طبرت الهامه لاتكرب عليه
يعني اكلك آني أتحده المنيه
انظر جروحي وبعدها لوم بيه
شوف منهو اللي يضمدها إليه
يالتعرفوني يالتعرفوني
حب الحسين اجنني
******
آني من دم هامتي أعلن ولائي
كول عني اتجنن وكلي مراثي
من اصيحن ياعلي تنزف دمائي
يعني آني وقعت بالدم فدائي
يالتسمعوني يالتسمعوني
حب الحسين اجنني
******
آني من الطم على صدري شيضرك
هذا صدري وآني ما أذيت صدرك
آني حر براسي أطبر ماأطبرك
يعني كل هاي المصايب ماتقهرك
ماتمنعوني ماتمنعوني
حب الحسين اجنني
******
قبلك هوايه حجوها وعبرتهم
من على احبال المشانق أدبتهم
آني مولع بالتحدي وماخفتهم
هسه اسألك وينهم شو ماشفتهم
لو تكطعوني لو تكطعوني
حب الحسين اجنني
******
لا تعلمني دخليني اويه همك
أنا مااحتاج فتوه وهذا دمي
أنا شفت الزهره تقعد تبجي يمي
هذا أبن ظاهر اشوفه سجل اسمي
لاتنصحوني لاتنصحوني
حب الحسين أجنني