غايبنه يبن الحسن (مكتوبة) - باسم الكربلائي
منذ ١٢ سنة٦١٩مشاهده
قصيدة : غـايـبـنه يبن الحسن
للشاعر : الأديب السيد سعيد الصافي الرميثي
الرادود : الحاج ملا باسم الكربلائي
غـايـبـنه يبن الحسن.. گوم احفظ ادمانه....جور و نفاق و فتن.. مليانه دنيانه
يـا صـاحب الثار ..يمتى بجيتك يبشرونه ....لليوم الأشرار.. علي جدك يبغضونه
گــــوم احـــفـــظ ادمــــانــــه
******
يـقـولـون الـصـبـر مـن يُوصل الحده.... مثل ماي اعله وجه الگاع يتبده
و يـقـولـون الـيـتـانـي يـنتظر مُده....اذا كَسر العظم موجود اليضمده
صـعـب كَـسـر القَـلُب من يقدر يشده.... نجم ليل انتظارك مو سهل عَده
قـضـيـنـا لـيـل الـصبر نحسب مُصَايبنا.... نتأمل بكل فجر شمسك يغايبنه
نكشف لك أسرار ..ظلم الناس اليكرهونه ....لليوم الأشرار.. علي جدك يبغضونه
گــــوم احـــفـــظ ادمــــانــــه
******
قُـصـص عـن الـظـلـم يـالمهدي نرويها.... كتبنا بالمدامع كل حرف بيها
الـك مـن يـا كـتـر لـو ردنـا نـبيدها ....اذا ردنا يغايب ننسى ماضيها
بـيـا صـفـحـة الـتهون و حتى نطويها ....جرائمها وغدرها شاهدة اعليها
مـن بـعـد مـابـايـعـت خـانـت أمـانتها ....والله ما آمنة لسه بخيانتهه
لـيش اخو المختار ..على المنبر يشتمونه ....لليوم الأشرار.. علي جدك يبغضونه
گــــوم احـــفـــظ ادمــــانــــه
******
عـلـى الـحـب و الـمودة الهادي وصاهم.... وبيكم تارك الثقلين نــاداهم
نـريـد أهـل الغدر نتسائل اوياهم.... اشبدا من آل الرسول و سِفكوا ادماهم
و ذبـحـوا كـل مُـحـب سار اعله مَسراهُم ....يسمونه روافض لو فُضحناهم
لـو قـلـنا واجب فرض الناس نكشفها ....چم حاقد اليعترض و الغاية يحرفهه
تـحـريـف الأفـكار ..سامي يحسبونه....لليوم الأشرار ..علي جدك يبغضونه
گــــوم احـــفـــظ ادمــــانــــه
******
يـغـايـب مـن أهـلك ودعنا چم معصوم.... بين انقطع نحره والجبد مسموم
مـظـلـوم بـمـصـابـه يـتـبع المظلوم.... عزانا لوالدك يالمهدي هذا اليوم
يـذكـرنـا بـمـصابه و مرقده المهدوم.... نواسيك بدمعنا وكل قلب مهموم
مـن يـوم كـسـر الضلع و الدمعة همالة ....و الدمع للمنفجع تعبير عن حاله
دم تـجري الأنظار.. يغايب تدري ظلمونه .. لليوم الأشرار ..علي جدك يبغضونه
گــــوم احـــفـــظ ادمــــانــــه
******
بـنـي امـيـة بـقـساوتها و بني العباس.... ناس اتسلم بشرها وغدر هالناس
مـو عـجـبـة بـشـرايعها القيم تنداس....لإن طبع البشر من يفقد الإحساس
مـثـل حـال الوحوش الكاسرة ينقاس.... على الرماح الغدر لهل المجد چم راس
راس الـذي مـا يـذل لازم يـقـطعونه....فوق الرمح ينحمل للطاغي يهدونه
شـافـونـه أحرار ..و لا قدروا يذلونه....لليوم الأشرار.. علي جدك يبغضونه
گــــوم احـــفـــظ ادمــــانــــه
******
أبـوك الـعـسـكـري قـوم اطـلب بثاره.... يغايب و اعتني له وَيّـه زوراه
و الچانـت هـدفـهـا تـمـحـي آثـاره ....مصباح الجلالة اشيطفي أنواره
و قـبـر الـعـسـكـري يـتـجدد اعماره.... إذا شيعة علي الطيبين أنصاره
تـبـت أيـادي الـحقد خلهم يسمعونه.... صرح الشرف و المجد هيهات يمحونه
ذل و خـزي وعـار.. هـذا الـينالونه....لليوم الأشرار ..علي جدك يبغضونه
گــــوم احـــفـــظ ادمــــانــــه
التعلیقات