لاتظن غايب (مكتوبة) - باسم الكربلائي

قصیدة : لا تظن غايب مهدينه ماغاب
الشاعر : السيد عبد الخالق المحنة

الرادود : الحاج ملا باسم الكربلائی 

 

لا تظن غايب مهدينه ماغاب.......... عايش وموجود ما بين الاحباب

******
عايش بنار انتظاره ينتظر ويانه
عجل اللهم عجل بالامر مولانه
انت آمرنه يامهدي على العهد تلكانه
ما نهاب الموت احنه ولابسين اجفانه
وين مهدينه ويصفي الحساب

******
احنه ما ايسنه مرة ولا نشك بوجوده
ننتظر سيفه يشهره وهاي كلهه اجنوده
راية العباس ظلت على النهر موجوده
وين مهدينه تنادي خل يوفي اوعوده
رايتك تسأل وتريد الجواب

******

احنه نعرف ونفتهم تفكيره
جان يتصور الشيعه تخاف من تفجيره
غيره ما عده اليضدنه واحنه اهل الغيره
احنه صحنه على المشانق بس علي ولا غيره
لا سماح اليوم من حركوا الباب

******

لا فتى الا علي وخل يموت الحاقد
غصبن على اعداه يبقى المنتصر والقائد
والله يالمهدي صبرنه ساعد يشد ساعد
نادي حي على الجهاد وصوت جيشك واحد
والضلع لليوم يالمهدي ما طاب

******

احنه يتحلل دمانه بيا ذنب حاجينه
هذا ذنب الشيعه صاحوا بس علي والينه
الصبر مل منه تدري احنه ما ملينه
كل جرح بينه ينادي وين يا مهدينه
يامه نادينه بدموع العتاب

******

نبقى وي ليل انتظارك بس نعد انجومه
احنه يا يوم الي يمرنه انكول باجر يومه
احنه على الحك ما سكتنه تعيش بينه اهمومه
نومة المجروح ونه لا تصدك نومه
لا تلومونه للونة اسباب