راعي الشيم (مكتوبة) - باسم الكربلائي

قصيدة : يـوم الـذي راعـي الشيم

الشاعر : المرحوم الشيخ مهدي عباس العبايجي

الرادود : الحاج ملا باسم الكربلائي

 

يـوم الـذي راعـي الشيم انوى يشد الراحله
جـاب الـمحامل للحرم كل فرد وجه حيد إله
******
طـب  لـعد زينب مبتسم عباس راعي المرجله
قـال إلـهـا يا مهجة علي قومي نريد إلكربله
قـالـت  لـه خوية محملي منهو إلذي يتكفله
قـال إلـهـا عـيناچ ابشري امرچ نود نتمثله
******
قالت له نعمين الذخر بوجودك كل من شي حله
طـلـعن و عباس يحدي و الزمل ضج إهلاهله
كـل سـاعـة عباس و نزل محمل الحرة يعدله
صـد  لـلحسين و ناشده شنهي نزلتك بالفله
******
قـلـه يـخـويـة نزلتي تدري باختنا مدلـله
ما  تحمل الذل و الهظم فطنت على العز و العله
ريـتـك  يعباس اتحضر يوم اتطلعت من كربله
سـترت  وجهها جفوفها و الدمعة عالخد سايله
******
رضـعـانه  عدها مقيدة و النوگ صعبة مهزله
زيـنـب  يسيرة بلا ولي يا ابا الحسن عيد البله
تـرضـى يـحيدر شيمتك شمر و زجر بها وله
لـو رادت الـناقة تعثر يضرب بناتك حرمـله