يا إلهي بغربتي (مكتوبة) - باسم الكربلائي
منذ ١٢ سنة١Kمشاهده
قصیدة : يا إلهي بغربتي... و سجني و مصابي
يا إلهي بغربتي... و سجني و مصابي
خل يصير الشيعتي... أجري و ثوابي
زواري ما نسوني...من كل مكاناجوني
يا إلهي ...يا إلهي
******
يالموالي المعتني اتحقق مرامك
أرد أخبرك لو طفت كعبة غرامك
من تسلم يسمع الكاظم سلامك
دعوة المضطر إلك يدعي إمامك
يا قريب المرحمة... تسمع دعائي
يا لطيف البلعسر ...يسري و رجائي
لطفك عله الوافوني...من كل مكان اجوني
يا إلهي ...يا إلهي
******
يا كريم البلشفاعه كرمّتني
و باب حاجات الخلايق عينّتني
أندعي و تقبل دعائي عودّتني
بالسلامه احفظ الشيعه الإجتّني
أحزن و هذا الخبر ...يصعب عليه
لو سمعت بزاير ...انصاب بأذيه
شجايه و اعتنوني...من كل مكاناجوني
يا إلهي ...يا إلهي
******
أقسم اعليك بكسر ضلع الوديعه
و بعطش قلب الحسين و دم رضيعه
خلي كل زاير أصير آنا شفيعه
خل أقلهم كل طلب نافذ يشيعه
كل مريض المعتني... يتشافه داءه
من يطب الحضرتي... ياخذ دواءه
يا ربي ألموني...من كل مكان اجوني
يا إلهي ...يا إلهي
******
و اليدق بابي و طلب يا ربي عنده
اشلون أكسر خاطره و اشلون أرده
ضيف عندي و جابته ليه الموده
اشلون يرجع مني و الدمعه اعله خده
حاجه عنده و ينتظر ...ياخذ جوابه
يا إلهي الينهضم ...يجرح عتابه
و بحرقه عاتبوني...من كل مكان اجوني
يا إلهي ...يا إلهي
******
شيعتي و شّدوا بشباكي أملهم
خل أحل عقدتهم يبشرون أقلهم
يا إلهي و مطلبي تجمع شملهم
و بعقابك تنتقم من القتلهم
كل شهيد اتخضب... ابدم الشهاده
تنطيه أجره و يسكن ...بدار السعاده
عشاقي عاهدوني...من كل مكاناجوني
يا إلهي ...يا إلهي
******
من شفتهم وقفوا ببابي حياره
صاحب الحاجه صعب تدري انتظاره
صحت يا زواري مقبوله الزياره
كل موالي سالم ايعود الدياره
و اللي عاقد نيته... ابكل اعتقاده
مني مسرور القلب... ياخذ مراده
وفاي للنخوني...من كل مكان اجوني
يا إلهي ...يا إلهي
******
و النعم يا شيعتي يهل الحميه
يا من اويانه الوفه عندكم سجيه
لو رجعتوا أرد أوصيكم وصيه
اخذوا دمعاتي الذبيح الغاضريه
يا مصاب اليشبه ...حسين و مصابه
عالوطيه ابلا دفن... سلبوا ثيابه
و آني اللي شّيعوني...من كل مكاناجوني
يا إلهي ...يا إلهي
التعلیقات