رايح يالحبيب (مكتوبة) - باسم الكربلائي
منذ ١٢ سنة٦٩٦مشاهده
قصیدة : رايح يالحبيب
الشاعر : السيد عبد الخالق المحنّه
الرادود : الحاج ملا باسم الكربلائی
رايح يالحبيب...عن عيني تغيب...يا أصعب وداع
ما صدق تروح...تتركني أنوح...يا أصعب وداع
روحي شمعة و غيبتك تطفي ضواها...ما تظل انجوم من يوقع سماها
من تروح اجنازتك أركض وراها...ترضه أبقه بعلتي و انت دواها
ما عندك محال...يا حيدر تعال...يا أصعب وداع
*****
لا تشيلون النعش انتظروا لحظه...بلكي يقعد من أضع نبضي اعله نبضه
بالله يا دنيه أبو الحمله اشيعوضه...يعني أبقه ابلا حمه حيدرنه يرضه
ما يطفه اللهيب...بعيون الغريب...يا أصعب وداع
*****
بويه يا جف يقدر النعشك يرفعه...و الجبل ما يندفن من الله طبعه
من عساها انطبقت السبعة اعله سبعه...يا عجيبة حيدر الوادم تشيعه
من عالي السماء...أسمع هالنداء...يا أصعب وداع
*****
يعني معقولة انقتل حامي الحمية...و آني أبقه ابلا أبو هاي المسية
يا علي ما أصدق اتروح من ايديه...يا منية اشلون تدناك المنية
يا جرح الأليم...بوداع اليتيم...يا أصعب وداع
*****
بوية مو من عادتك تصبر علينه...علمتنه لو نقول اسمك تجينه
قلي من ترحل يبوية اشلون بينه...و احنه لو جار الزمن بيك احتمينه
يالشوفك حياة...و اوداعك مماة...يا أصعب وداع
*****
لا تروح امروتك يا بو اليتامه...يا كرامة و ما تظل بعدك كرامه
يا صبرنه و ليل فرقاك اشينامه...يا علي و اللي يضد ياذي بكلامه
مجروح الضمير...ودعنه الأمير...يا أصعب وداع
*****
ابكربله زينب يحيدر لو سبوها...و ذبحوا اخوتها الغريبة و سلبوها
لو عله الناقة يحيدر ركبوها...اشلون ما تحضر الزينب و انت أبوها
يا حامي الدخيل...واوداع الكفيل...يا أصعب وداع
التعلیقات