بالوداع ابو حسين يوصينه (مكتوبة) - باسم الكربلائي

 

قصیدة : بـالـوداع  أبـو حـسـيـن ...يوصينه
الشاعر : السيد عبدالخالق المحنّه

 الرادود : الحاج ملا باسم الكربلائي

 

بـالـوداع  أبـو حـسـيـن ...يوصينه
لا تـعـوفـون حـسـيـن ...يـوصينه

******

أنـا  حـيـدر يشيعتنه أنا إبهاليوم أودعكم
أصـبـركـم  و  لو أدري تأذيني مدامعكم
يـشـيـعـه  بس محبتنه عن الذله ترفعكم
لـو يـفـارقـنـه الـبـيـن ...يوصينه

******

إذا  باجر غمض جفني رحت عنكم إذكروني
يـظـل إبـني الحسن بعدي توافونه توافوني
إمـام  الـكـل إله البيعه تطيعونه إوعدوني
شـيـعـتـي  وافـوا الـدَين ...يوصينه

******

شبح  عينه لبو اليمه صفق إيده و بجه إبحسره
يظل  ضامي  أبو الأكبر و أشوفه منقطع نحره
يـذبـحـونـه يسلبونه يظل نايم عله الغبره
واسـوا بـدمـوع الـعـيـن ...يوصينه

******

بلا  والي  تظل زينب و ابو فاضل و لا يرجع
يـجـي يـمه سهم عينه يدليها عله المصرع
يـضـربوها يشتموها و لا واحد بعد يفزع
دوم إذكـروا الـجـفـيـن... يـوصينه

******

و لا خيمه تظل عدها إهي الحارس عله إعيالي
طـفل ضامي طفل يبجي طفل ينشد عالوالي
تـظل تعتب يبو الحمله تعال و شاهد أحوالي
صـيـحـوا  يـا حـيدر وين... يوصينه