بالبنين الاربعة (مكتوبة) - باسم الكربلائي

قصیدة : يـالـبـنـين  الأربعه للأربعه ارخصتکم
الشاعر : الأديب الحاج جابر الكاظمي

الرادود : الحاج ملا باسم الکربلائی

يـالـبـنـين  الأربعه للأربعه ارخصتکم
لـلـنـبي و للمرتضه و أولاده قدمتكم
و روحـي أفـتـديها...الفاطمه و بنيها
******
آنـه أمـكـم يـالـحضرتوا إتودعوني
مـن  قـبـلـمـا يـالشبيبه إتفارقوني
ودي آخـذ وعـد بـيـه إتـواعدوني
لـلـمـديـنـه  إبغير أخوكم ما تجوني
مـو  لساني اللي حجه إبدمعاتي خاطبتكم
لـلـنـبي  و آل النبي يالأربعه إوهبتكم
بـيـكـم أشـتريها ...الفاطمه و بنيها
******
يـبـنـي يـبـنـي يا قمر وجه العوالم
هـذي  بـيـدك رايه و إتخوض الملاحم
مـن مـحـمـد إلـك يا بدر الهواشم
بـيـهـا  تحمي إبكربله إخدور الفواطم
مـن تـرفـرف رايتك يفرح قلب محمد
خـلها  تشهد كربله و الدنيه خلها تشهد
و  الـعـلامـه بـيها...الفاطمه و بنيها
******
ودعـتـنـي يـبـني عبدالله و أودعك
إنـت  ضـيـغم  بعد ما تحتاج أشجعك
يـبـنـي إخلع قلبك و ذبه إعله درعك
مـن  تـنادي  إبقبره خل حيدر يسمعك
هالله هالله يـا عـلـي يا مظهر العجائب
آنـا شـبلك يا أسد خل تسمع الكتايب
غـايـه و أرتـجـيها...الفاطمه و بنيها
******
و  إنـت جـعفر ثالث أولادي و أريدك
بـإسـم أخـوك الـمجتبه إتقدم وريدك
يـبـنـي بـالسم قطعوا جبدة عضيدك
ضـحـي مـثله و خل بيد الحسن إيدك
ضامي  طب للمعركه إيهون العطش يجعفر
إنـسه جبدك و الضمه جبد الحسن تذكر
عـيـنـي كـل بجيها...الفاطمه و بنيها
******
و  إنـت خـله إيدوي يا عثمان صوتك
لا  تـريـبـك  بـالحرب أشباح موتك
هـذي فـرصـه و بالك الفرصه تفوتك
خـاوي سـيـفك لمن إيضحون إخوتك
بـإسـم  الحسين إفتدي دم رقبتك يغالي
إبراسك  اللي عالرمح يوليدي راسي عالي
إبـدمـك إعـتـنيها...الفاطمه و بنيها
******
أرد  أقـدم هـالـجـثث منكم صريعه
يـبـو فـاضـل و إنت تهوي عالشريعه
أرد  أواسـي بـيـكـم الزهره الوديعه
أرد  أشـارك فـاطـمـه إبهاي الفجيعه
فـاطـمه  المروه  و قبرها المخفي بالمدينه
و الصفه إبطف كربله حسين و جثث بنينه
و مـهـجـتي إبسعيها...الفاطمه و بنيها
******
إلـهـا مـوقـف بـالحشر بنت الرساله
بـالـقـيـامـه  ترفع  إجفوف الكفاله
تـشـكـي  عد رب العرش جله جلاله
إتـقـلـه  إحـكم  إنت ناموس العداله
و الـهـتاف إمن العرش يا فاطمه الرضيه
بـيـدج الـيـوم الحكم بيدج أمر أميه
ربـنـه يـرتـضـيها...الفاطمه و بنيها