صاح عابس
قصيدة : صاح صاح ...عابس إحنه عشاق الحسين
الشاعر : السيد عبدالخالق المحنّه
الرادود : الحاج ملا باسم الكربلائی
صاح صاح ...عابس إحنه عشاق الحسين
******
إحـنـه دوم أحـرار مـا صرنه عبيد
إحـنـه هـاي إجـفوفنه تلوي الحديد
غـيـر أبـو الأكـبر فلا نهوه و نريد
مـا نـذل هـيـهـات إسـمع يا يزيد
مـوت موت ...مره الموت لا مو مرتين
******
مـا نـسـاوم و الـوعد أصبح قريب
إحـنـه بـالـكلفات نحضر ما نغيب
نـطـرب إعله الموت و إنسوي العجيب
إحـنـه مـجـنـونين و حسين الحبيب
هاك هاك ... هذا الصوت يملي الخافقين
******
هـاي إلـك يـحـسين منذوره الدماء
إحـنـه نـبـقـه إنصيح تحيا كربلاء
عـالـمـشـانـق إحـنـه لبينه النداء
يـا عـلـي يـا فـاطمه صوت الوفاء
ويـن وين ... ذاك القال أمنع هسه وين
******
إحـنـه ضـحـيـنه إلك مال و بنين
و الـدلـيـل إيـصـير يوم الأربعين
بـيـك نـتـمـسـك يحبل الله المتين
كـربـلاء صـارت لـقـاء العاشقين
هـاي هـاي ... و المعبود أوله القبلتين
******
هـذا دم راسـي رسـالـه لـلـطغاة
يـعـنـي عـندي الموت مفتاح الحياة
آنـي مـا أركـع أبـد بـس بالصلاة
مـدرسـة عـبـاس هاي إعله الفراة
لا ...مـا تـطيح الرايه لو طاحت إيدين
******
مـا يـهـمنه الموت نمشي إبلايه خوف
و الـمـنـاحر تضحك إبوجه السيوف
إحـنـه خـريـجـين مدرسة الطفوف
نـكـتـب الـتاريخ إحنه إبلا جفوف
صـار صار ...واقع حال عمري كلمتين
التعلیقات