وين تريد يالحادي (مكتوبة) - مصطفى النائب

قصیدة : ويـن  اتـريـد يـالـحادي قلي الياكتر منواك

الشاعر : السيد سعد الذبحاوي

الرادود : الحاج ملا احمد الباوي

ويـن  اتـريـد يـالـحادي قلي الياكتر منواك
لـتـروح و تـخـليني بالله اعليك إخذني اوياك
******
أنـشـدك بأهلي وين اتريد اهنا يالحادي حاجيني
مـنـوه  اظـعـونك اليا صوب ابحيره لا تخليني
و  لـتـخـلـيني ليل انهار و أشبح بالنظر عيني
و  مـا  أقـدر عـله الفرقه و نخوة منفجع أنخاك
******
قـلـهـا  الحادي  يا طفله طويله السفره و المده
صـعـبـه  اعـليج لو تمشي ما ظن للظعن رده
اعله أهلج هالأمر مكتوب و عاللوح انكتب وعده
و  الـلـي مـعتني الخطار و يتقرر مصيره اهناك
******
تـقـلـه  انـجـاني طفله و هاي أطفال وياكم
أخـذتـوا  اليرضع و ظلت أعيش اهموم فرقاكم
أنـادي و عـلـتي ابقلبي و قلبي اشلون ينساكم
يـا  قـلبي لو مشوا عنك اويا هو بالغرب يرعاك
******
ابـونينك  يا قلب ظليت تعيش اهموم فوق اهموم
و لا واحـد رحـم حالك و ياللي ابعلتك مالوم
و  ظـعـن  الـلي مشه عني يرجع للوطن يا يوم
و  من قبل الأجل يا ريت و ترجع يا ظعن و ألقاك