مستشفى للإسلام (مكتوبة) - أحمد الباوي

قصیدة : أصـبـحـت  مـسـتشفى  للإسلام وادي كربله

الشاعر : المرحوم الشيخ ياسين الكوفي

الرادود : الحاج ملا أحمد الباوي

أصـبـحـت  مـسـتشفى  للإسلام وادي كربله .. والطبيب احسين للناس شبل عقد الوله
يــا  مــظــلــوم حــســيــن .. يــا مــظــلــوم حـسـيـن
******
أشلون مستشفى أبو اليمة صبح وادي الطفوف .. حكمة الناس و دواها و بيها عرش الله يطوف
يـا  سـفـيـه الراي أقصد كربله و جرب و شوف .. والتمسك بيها يبرة و طيب ايرد الهله
******
و  الـطبيب  اللي يداوي الناس لو عارض عرض .. لابد ينشدة اعلى علتة و لابد ايجس النبض
تـربـة احـسـيـن أبـو اليمة مرهم الكل المرض .. والدوى مجاني عندة و يربح اليقصد إله
******
الله  خـص حـسـيـن بثلاثة خصال و شرفة .. مستجاب الدعة ابقبتة لو دعة الداعي و لفة
و  جـعـل مـن نـسـلة الآيمة و تربتة بيها الشفة .. و مرمهم المالوم هية ويحل دوم المشكلة
******
تـلـقـة زوار أبـو الـيـمـة اوجوها تزهي و تنور .. إبشر ابغفران ذنبك يالموالي بالسرور
لـو  لـفـة الـزايـر و طـب الـقبر أبو اليمة يزور .. حسين من داخل الشباچ يقلة يا هله
******
إنـظـر  الـقـبـر أبـو الـيـمة شلون نورة مرتفع .. عاين المأتم و شاهد هالقناديل التشع
مـا  ثـبـت هـالـديـن إلا حسين و العشرة وسبع .. وابدمة نحرة بنى الدين و سبي العايله
******
قـعـدونـة بـالـخـرابـة و اعـتنت لينا هند .. غدت تتفرج علينة خوية يا ضامي الچبد
گاعـدة اعـلـة الـكـرسـي يحسين و لعيالك تصد .. ريتني يحسين ميتة والقلب مني انسله
******
صـدت  الـزيـنـب و قامت هند تنشدها و تقول .. منين انتي جاوبتها مهجة الزهرة البتول
احـنـا  مـن  بـيت الرسالة و النبي جدنا الرسول .. قالت تعرفين زينب بت علي عقد الوله
******
حـيـن سـمـعت منها زينب غدت تتهامل العين .. قامت اتنادي يخوية قوم صد لي يا حسين
يـهـنـد  هـذا  أنـا زيـنب بت علي ليث العرين .. وأخت عباس الغيور البيه كل المرجله