علتي جان (مكتوبة) - أحمد الباوي

قصيدة : عـلـتـي الـجامنه بحشاي

للشاعر : المرحوم الشيخ كاظم منظور الكربلائي

الرادود : الحاج ملا جلیل الکربلائی

عـلـتـي الـجامنه بحشاي.... لقيت اللي يداويها
دواهـا  ابـتربتك يحسين ....و روحي بيك أسليها
******
يـبـو  اليمه إلك شكواي .... و انت التعلم ابحالي
دوه  علتي  و طبيب الداي .... ابغيرك كل أمل مالي
أنـه الـمـلتزم حبل اهواك .... جي تنقطع آمالي
مـنـك  و الأمـل بالله .... الـتزمتك تلتزم بيها
******
الـتـزمـتك  تلتزم بيها .... و نحيي نخوة الينخاك
و  سر إسم العظيم احماك .... و آنه المستجن بحماك
و مـا يخفه عليك الحال .... يا الكل حال ما يخفاك
و أسـرار الـخـفـيـه بيك .... تتوضح معانيها
******
بـمعاني  الغانمه تعلم .... و بيه امن الرسول اشصار
جـمـر عـلتي و جمر دنياي .... خلت بالقلب آثار
و بـيـك انطبقت النارين .... ما تنطفي النار ابنار
لاجـن  لـو تـفايض ماي .... بحر جودك يطفيها
******
بـحـر جودك يطفي النار .... و يسكن روع دلالي
يـبـو  اليمه و أريد اتريح .... من جور الدهر بالي
و أظل أخدم مآتمكم .... و بجودي و جهدي و بمالي
و حـيـاتي و حسن توفيقي .... بخدامتكم لقضيها