من غربة النوايب
قصيدة : مـن غـربـة النوايب
الرادود : الحاج ملا أحمد الباوي
مـن غـربـة النوايب...من وحشة الخرايب
أشـرح لـك الـمصايب...يا جدي يا محمد
ونـتـي شـجـيـه...إمـن الـغـاضريه
آنـه رقـيـه...يـا جـدي يـا مـحـمد
******
أشـتكي ضيم الخرابه و إستمع شكوه إبهضيمه
طـفـلـه يـا ذنب الجنيته سلبوني إبيا جريمه
كـل جـفن تنشف دمعته آه من دمع اليتيمه
عـمري و خدري سويه راح و إتفرهد حريمه
مـا تـنـحمل حسرتي ...ما تنوصف غربتي
مـا تـنـطـفـي جـمرتي ...تانيها يمته تبرد
ضـيـم الـعـلـيـه ...إمـن الـغاضريه
آنـه رقـيـه...يـا جـدي يـا مـحـمد
******
جدي كل يوم الخرابه إيعادل إويه إسنيني كلها
إمـصايبي من عمري أكبر إبزغر سني ما حملها
إشكبر قلبي و آنا طفله ضايعه من إضعون أهلها
دمـعـتي من جسمي أثقل عله الناقه من أهِلها
إبـحـزنـي إشـتـعل لهيبي...ما بطلت نحيبي
يـالـمـصـطـفه نصيبي...ما ينجفه و تبدد
إدمـوعـي جـريـه...إمـن الـغـاضريه
آنـه رقـيـه...يـا جـدي يـا مـحـمد
******
إتـذكـرت لـحـسين أبويه زاد بفراقه حنيني
طـول إغـيـابـه يـعمه ناشدت يمته يجيني
صـدري ملتهف الحضنه شوفته إتسكن ونيني
مـا دريت إبدربه ماخذ فرحتي و منوه سنيني
سـوط الـلي ما رحمني...ضرب الإبل ضربني
جـف الـذي سـطرني...إنظرني خدي أسود
هـاي الـبـلـيـه ...إمـن الـغـاضريه
آنـه رقـيـه...يـا جـدي يـا مـحـمد
******
مـلـوا إبـجايه الأعادي ابيا طريقه إيسكتوني
طـشت جابوه و آنا أصرخ حسبتهم يطعموني
قـالـوا الـتـرديـني هذا ظني بيهم يرحموني
مـا دريـتـه راس أبويه و بذبح نحره إذبحوني
الـحـضني حضن حضنته ...من قبلتها شفته
عـن غـربـته نشدته ...خدري اللي تفرهد
شـفـت الـمـنـيـه...إمـن الـغاضريه
آنـه رقـيـه...يـا جـدي يـا مـحـمد
التعلیقات