جيتك طايح بحيرة يا زينب راح أبو الغيرة (مكتوبة) - أبو بشير النجفي

الشاعر : السيد سعيد الصافي الرميثي

 

إجـيـتـج طـايـح إبـحـيـره...يـزيـنـب راح أبـو الـغيره
يـا خـويـه تـلـقيني...ظهري إنكسر عينيني...يزينب راح أبو الغيره
******
إجـيـتـج  و الجذم بالقوه أنقلنه...حيلي إعله النهر عفته و رحت عنه
إجـيت ابطرق دمعي اليكت و الونه...طاح إحزام ظهري و بيش أشدنه
إخـويـه  و  خـوتـه خـوه...و جـبـيـنـه يـنـضـح إمروه
إبـشـم  الهوى إمخاويني...ظهري إنكسر عينيني...يزينب راح أبو الغيره
******
يـا  زيـنـب  إجـيتج من بعيد أعمت...أعثر و الجذم بالقاع ما يثبت
أعـتن  بالقلب  و القلب بيه يعت...يقلي إشلون تقطع نوحك و تسكت
إشـلـون الـغـربـت روحـه...يـقـطـع ونـتـه و نـوحـه
يـخـتـي و لا تنشديني...ظهري إنكسر عينيني...يزينب راح أبو الغيره
******
شـحـجي  لج يزينب من رحت يمه...و لقيت أمي الزجيه قاعده و أمه
أم  عـبـاس صـبغت شيبها إبدمه ...و الزهره هوت عطر الوفه إتشمه
و  لـنـهـا إتـقـلـي يـبـنـي حسين...وين إجفوف أخيّك وين
صـحت يا أمي دقوميني...ظهري إنكسر عينيني...يزينب راح أبو الغيره
******
و  لـوعه الما مثلها شفت كل لوعه...و أقول إشلون قلبي لزمته إضلوعه
حين الشاف جفي اينشف إدموعه...ينشف إدموعي بيش إجفوفه مقطوعه
و راد إيـضـمـنـي الـصـدره...و شـفـتـه إخـتـنق بالعبره
و مـا يـقـدر يحاجيني...ظهري إنكسر عينيني...يزينب راح أبو الغيره
******
وصـانـي عـلـيـج إبـونـه مخفيه...يقلي يخاف زينب تعتب إعليه
مـن  عـنـدي بـعـد لا تنتظر جيه...إجفوفي إمقطعه و العين مطفيه
يـخـويـه إخـتـك إمـعـاهـدهـا...و أريـد الـعذر من عدها
و إيـصـبـرج يوصيني...ظهري إنكسر عينيني...يزينب راح أبو الغيره
******
يـا زينب نقصد العباس قومي أوياي...و إنجيم المناحه إعله الإخو الوفاي
مـن  مـثـلـه شهم و الخوته شراي...قبلي ما قبل يشرب لذيذ الماي
و دمـعـه الـحـوفـرت خـده...أثـر عـن الـوفـه ابـوعـده
كـل هـمـه يـجازيني...ظهري إنكسر عينيني...يزينب راح أبو الغيره