عالغبرة زلمنا والنار بخيمنا يا حيدر صبري .. (مكتوبة) - أبو بشير النجفي

قصیدة : عــالــغــبــره زلــمــنـه

الشاعر : أحمد اللامي

الرادود : الحاج ملا أبو بشیر النجفی

عــالــغــبــره زلــمــنـه ...و الـنـار إبـخـيـمـنـه
يـحـيـدر  صـبري ودعته...و إخويه إعله الترب عفته ...و النار إبخيمنه
******
إبـظـلام  الليل  زينب جمعت العيله ...و صاحت عند علي هالعايله إدخيله
عـلـي راحـت زلـمـنه و ما بقت حيله...و يتامه حسين بالبر باتوا الليله
نــســوان و يــتــامــه ...تــجــويـهـا الـمـلامـه
ضـيـم الـمـحـنه عاشرته...و إخويه إعله الترب عفته ...و النار إبخيمنه
******
غـريبه  و ليل و إدموع و ذبح وليان...و مركز صار قلبي و مقصد الأحزان
ألِـم  أيـتـام  إبـويـه لـو ألِـم نسوان ...أخمد نار تلهب بالقلب نيران
مــهــضـومـه و غـريـبـه ...و أحـمـل جـم مـصـيـبـه
إمـصـاب الـعـاشر إحملته...و إخويه إعله الترب عفته ...و النار إبخيمنه
******
حرم و أيتام عندي و جم قلب مفجوع...بس صوت المناحه إبكربله مسموع
يـتـيم  إينوح و إبكتره يتيم إيلوع...صبح بينه الدرب يا با الحسن مقطوع
و  مــن لــوعــة قــلــبــنـه...ضـيـعـنـه دربـنـه
يـلـفـيـنـي الأجل ردته ...و إخويه إعله الترب عفته ...و النار إبخيمنه
******
عـلي  إبعيني شفت وليان مذبوحه...و شفت رايه و قمر عالشاطي مطروحه
و  رضـيع حسين شفته إينازع إبروحه...و آنه إشجم جرح بالروح مجروحه
م_ـن م_ـاي ال_ـم_ـدام_ـع...روي_ـت ال_ـم_ـص_ـارع
و  بـيـدي حـسـين قلبته...و إخويه إعله الترب عفته ...و النار إبخيمنه
******
و على دربك يحيدر صرت أدير العين...أصب دمعه إعله دمعه و أومي بالجفين
لا واحـد إجـانـي و ناشد إنتي من إنين...شصبر يا علي قلي الصبر لا وين
يــا حــيــدر تــرانــي...مــحــتــاره إبــزمـانـي
لـيـل الـغـربـه واطـنته...و إخويه إعله الترب عفته ...و النار إبخيمنه
******
نـاديـت  إبـدمـع و أهل الوفه تسمع...يريت الليل طال و لا فجر يطلع
يـركبونه الهزل و إنمر عله المصرع...و أشوف حسين دامي إعله الثره إمقطع
و  مــن يــطــلـع صـبـحـنـه...يـتـوسـع جـرحـنـه
يـريـت إبـعـيني ما شفته ...و إخويه إعله الترب عفته ...و النار إبخيمنه