لأرض النجف يا ابو حسين هالليلة مشبوحة العين .. (مكتوبة) - أبو بشير النجفي

الشاعر : السيد سعيد الصافي الرميثي

 

لأرض النجف يا بو حسين...هالليله مشبوحه العين
هـاج الـحـنين الحضرتك...يا بو المروه إمروتك
هـالـلـيـلـه  مـشـبـوحـه الـعـيـن
******
لـو حـن قـلـبـي المفارق ما يهجع بعد نوحه
مـن يـتـذكـر الـماضي ياخذها الأمل روحه
يـا  عـقـد الـوله إعتابه جمره و تلجم إجروحه
و حـقـك مـثـل هالليله عينه إعليك مشبوحه
عـيـن  التصد...من البعد...يا حيدر إتعيش بأمل
و الـعـنـده حـاجه و محتار...إلمن يدير الأنظار
و بـحـيره طاحت شيعتك...يا بو المروه إمروتك
هـالـلـيـلـه  مـشـبـوحـه الـعـيـن
******
هـالـلـيـلـه تـذكـرنه و نتألم يداحي الباب
جـنـه الـمـرقدك نقصد نلطم و الدمع سجاب
يـا  ذنـب الـبـده منك راسك يا علي ينصاب
و  نـقـصـد مسجد الكوفه إنريد إناشد المحراب
يالتنوصف  ...بحر العطف...و للعدل يا حيدر مثل
يـالـجـنـت والـي الأيتام...طروا شملنه الظلام
يـوم الـلـي طروا هامتك...يا بو المروه إمروتك
هـالـلـيـلـه  مـشـبـوحـه الـعـيـن
******
نـاس الـجـنت عون إلهم و بكل معضله يندبوك
بـعـد  الـفضل و إحسانك بيمن يا علي يجازوك
إنـت  أول  يـعـرفـونك و رابع يا علي خلوك
و إبـلا ذنـب ظـلـمونه يا عقد الوله الظلموك
و عندك خبر...دمنه إنهدر...و إنعيش ما بين الوجل
و  الذنب صحنه إبصوت ...شيعه و نحبك للموت
و  اجـب عـلـينه إمحبتك...يا بو المروه إمروتك
هـالـلـيـلـه  مـشـبـوحـه الـعـيـن
******
ظـلـم  الـزمـن و العدوان عنك غصب أبعدنه
و  حـلـم الأمـل يـا بـو حسين ليليه يراودنه
و إنـقـول الـزمـن يـمك بلجن يا علي إيردنه
و لـو طـول عـتبنه إوياك شيعه و غيرك إشعدنه
بـعـد العتب...نطلب طلب...يمك يوافينه الأجل
و  الـقـبـره يمك مأمون...يا حيدر إذنوبه إتهون
حـامـي الحمه من شيمتك...يا بو المروه إمروتك
هـالـلـيـلـه  مـشـبـوحـه الـعـيـن