لو ردنا الظلم ينزاح نبذل للعقيدة أرواح (مكتوبة) - أبو بشير النجفي
منذ ١١ سنة٢٩٦مشاهده
قصیدة : لـو ردنـه الـظـلـم ينزاح
الشاعر : السيد سعيد الصافي الرميثي
الرادود : الحاج ملا أبو بشیر النجفی
لـو ردنـه الـظـلـم ينزاح...نبذل للعقيدة أرواح
كـرامـتـنـه...إبـشهادتنه...نبذل للعقيدة أرواح
******
إسـمـع لـو ردت تـسـأل مـن صرح بهذا الراي
أحـجـي بـالـدلـيل إوياك إنجانك للحجي شراي
آنـه إويـاك بـالـمـوقـف لـو إنت صدق وياي
ابـهـذا الـوصـف مـا عدنه صاحب معتقد وفاي
مـوج مـن الـفتن و أرياح...و بالمركب ألف ملاح
الـطـمـع عدنه...إشيوحدنه...نبذل للعقيدة أرواح
******
تـصـريـح الـشـهيد حسين هذا و إسمع إشصرح
قـال الـمـوقـف الـثـابت إبوكت العسر يتوضح
و لـو صـار الـشـرف ميزان الدم المنحر اليرجح
و قـال الـيـبـخـل إبـدمـه قائد أمه ما يصلح
و الـيـبـجي إبدمع تمساح...ما يقدر يشيل إسلاح
وواجـبـنـه ...يـطـالبنه...نبذل للعقيدة أرواح
******
حـسـيـن إبـضعنه سار إبليل و بهذا المسير إشراد
و يـعـرف مـوقـف الأمـه واعي و دارس الأبعاد
حـجـه تـنـحـسـب ضـده من إيرجع الوفاد
ضـمـن الـواجـب الـشرعي لازم يبدل إستعداد
و بـهـذا الـهـدف من راح...ما رايح يدور أرباح
نـوفـي الديّن ...صاح حسين...نبذل للعقيدة أرواح
******
رفـت رايـه إلـك يحسين و كلها إنتكست الرايات
و لـلـحـق إرتـفـع صوتك لمن خمدت الأصوات
لـلـذل مـا أمـد جـفي و أخضع للظلم هيهات
قـالـوا مـتـت و إبـموتك يحسين إحتيت أموات
راسـك عـالـرمح مصباح...يهدي الأمه للإصلاح
الـعرف صبرك...درس فكرك...نبذل للعقيدة أرواح
******
ويـه الـظـلـم و الـظـلام يـشهد موقفه لليوم
إنـت أول بـطـل يـحـسـين للأمه طرح مفهوم
لا بـد يـفـضـح الـظـالـم دم الينذبح مظلوم
مـن صـحـت الظلم هيهات تكبر سلطته و إتدوم
جم منصب و كرسي الطاح...صوتك للعدل من صاح
دربـنـه إبعيد...هدفنه إنريد...نبذل للعقيدة أرواح
******
لـو مـن نـهـضـتـك يحسين ناخذ فكر نهضتنه
جـا مـا عـشـنـه بـالـذله و لا طولت غربتنه
لـكـن نـحـجـي ويـا من و من يستمع شكوتنه
و لـلـي بـالـتـرف عـايـش ما يشعر إبمحنتنه
إيـقـولـون الـصبر مفتاح...و سر الشهم ما ينباح
عـشـنـه إسنين ...متغربين...نبذل للعقيدة أرواح
التعلیقات