إبيا عين أشوفه (مكتوبة) - أبو بشير النجفي

الشاعر : أبو علي الناصري

 

إبــيــا  عــيــن أشــوفــه...إبــيـا حـال أعـوفـه
دهـري بـالـغـرب ذبـنـي...حـيرني إبمصاب إبني...إبيا حال أعوفه
******
أنـا الأم الـذي بـس هـالـولـد عـدها...الوياها إجه و إتعذر إيردها
و صـعـبـه من ترد مفجوعه وحدها...عله إهموم الزمن يا هو اليساعدها
آنـه       و       دمـعـتـي...و       أجــذب      حـسـرتـي
و الـطـف جـرحـه شـيـبني...حيرني إبمصاب إبني...إبيا حال أعوفه
******
أعـد أشـبار طوله و أحسب أيامه...و عشت طعم السعاده إويه الولد يامه
رغـم تـعـب الربه و حسراته و آلامه...لجن كل أم إبنها إتشارك أحلامه
بــأول           شـبـابـه          ...أنـظـر          مـصـابـه
رجـع لـي الـدهـر ونـي...حـيـرني إبمصاب إبني...إبيا حال أعوفه
******
لـمـن إسـم الـطفوف إبيثرب إسمعته...حجي عوده الحسن عنها تذكرته
و قـلـت هـذا الخفت منه إجه وكته...قلت يا وسفه جاسم يمكن إفقدته
أصــبــح غــريــبــه...إبــهــاي الــمـصـيـبـه
رد  إعـلـه  الـقـلـب حـزني...حيرني إبمصاب إبني...إبيا حال أعوفه
******
و بـده قـطـع الـنحور إبكربله إقبالي...ووصل سيف المنيه المنحر الوالي
و رخص دمعي الذي ابوكت الشدد غالي...و تصد عيني المجان إوليدي الخالي
و أنــظــر الــجــســمــه ...إمــغــسـل إبـدمـه
و  أخـذ  حـيـفـه الـزمن مني...حيرني إبمصاب إبني...إبيا حال أعوفه
******
شـفـت لـمـن رجـع بـيه عمه لخيمه ...إموذر ما عرفته مثل إبن عمه
هـويـت إعـلـيـه و الدمعه غفت يمه...ما فك عينه لي و آنه ألهج بإسمه
دمــعــي  الــبــجــيــتــه...مــنــه  رويــتـه
و مـن ونـي الـضـلـع مـحني...حيرني إبمصاب إبني...إبيا حال أعوفه
******
و  بـقـيـت إمحيره إبطف كربله بأمري...و من ناده المنادي للسبي إسري
إلتفت إعله العزيز و عبرتي إبصدري...إشلون أمشي و أعوفن دنيتي و عمري
عــمــري  الــتــعــبــتـه  ...بـالـطـف فـقـدتـه
و الـحـادي الـحـده إبـضعني...حيرني إبمصاب إبني...إبيا حال أعوفه
******
الأم  إشـلون  عن ثمرة عمرها إتروح...أمشي إبيا قلب عن إبني و إبيا روح
عفت قلبي إعله تربة كربله مذبوح...دم دمعي و جفون إعيوني جنها إجروح
أمـشـي           سـبـيـه          ...حـقـك          عـلـيـه
مـوت  الـفـرقـه عـنـي...حـيـرني إبمصاب إبني...إبيا حال أعوفه