مسلم يا مبعوث حسين (مكتوبة) - أبو بشير النجفي

الشاعر : السيد سعيد الصافي الرميثي

ضيف  و غدرة بيك الكوفه...مسلم يا مبعوث حسين
خانت  وعدك ناس أشرار...نقضت عهدك ناس أشرار
******
عـنـدك غـايه و قاصد ليها من أشرف كل الغايات
يـا  مـسـلـم  رايـد تحييها هالناس التنعد أموات
مـصـلح  تصلحها و تهديها دنيه اتعيش ابحب الذات
و  مـن نـار الـباري اتنجيها تهديها إدروب الجنات
و  الـبـاري  بـآيه المعروفه...قبلك هاديها النجدين
خانت  وعدك ناس أشرار...نقضت عهدك ناس أشرار
******
آلالاف الـكـتـب الودتها و إتصيح إنريد الإصلاح
لـحـسـيـن إتقدم شكوتها و إتهل إدموع التمساح
رادت  تـخـلص من محنتها و إتقول إنطحي الأرواح
و  مـسلم يمشي ينفذ الرادتها مبعوث حسين إلهم راح
جـاويـن الجانت ملهوفه ...تربي الدرب حسين العين
خانت  وعدك ناس أشرار...نقضت عهدك ناس أشرار
******
قـاصـد لـيـها إتريد إتقلها عن راي حسين المعلوم
و  بـأمـره إنـت الـقائد إلها و إنت المغوار الجيدوم
يـا مـسـلـم و إنـت اتمثلها لو للحج وياك إتقوم
هـدم  عرش الطاغي الذلها و يخلص من ظلمه المظلوم
واصف هالماضي و موصوفه...جذابه و تحجي الوجهين
خانت  وعدك ناس أشرار...نقضت عهدك ناس أشرار
******
تـعـرف  أصلك يالقاصدها عمك حيدر حامي الجار
و  إتـقـصـده ابحاجات العدها فاتح إلهم باب الدار
عـون إلـها و ما واقف ضدها يا مسلم عدهم خطار
شـتـقـول  الكوفه إناشدها شتجاوب طاها المختار
و الـهـادي ابـيا عين إتشوفه...يطلبها المختار ابدين
******
رادت  مـن عندك تنصرها شهرت ضدك تالي إسيوف
و إجـتمعت هالناس إبشرها و الحربك ملتمه إصفوف
يـا  مـسلم  قوم و ذكرها شمرة حيدر خلها إتشوف
خـل سـيفك يحصد منكرها و يامر بالحق و المعروف
شـمس الحق عدكم مكسوفه...و الزين إتبدل بالشين
خانت  وعدك ناس أشرار...نقضت عهدك ناس أشرار