بطف يريد حسين عرسك ياجسام (مكتوبة) - أبو بشير النجفي

الشاعر : صباح أمين النجفي

 

بــالــطــف يـريـد حـسـيـن ...عـرسـك يـجـسـام
عــرس الــفــدائــيــن ...عــرســك يــجـسـام
زفـه و مـن غـيـر إشـموع...و الحنه دم و إدموع...عرسك يجسام
******
أعـايـن  طـولـك ووجـهك يالمدلل...غصن يحمل قمر قادمي يتمثل
يـولـيـدي الزفاف إيريد له محفل...و عرسك حلته تحت السيوف إتظل
مــنــك الــروح إتــقــول ...تــحـرمـنـي لـيـام
مــن وجــهــك و هـالـطـول... تـحـرمـنـي لـيـام
وجـهـك  بـالـدم إيـغيب ...يفجعني بتالي الشيب...عرسك يجسام
******
ضـامـي  إقـبالي إنت يا غصن دنياي...و الوردة شبابك ما يصح الماي
حـط راسك حبيبي فوق صدر إضماي...خلي إيبلل إشفافك دمع عيناي
عــيــن أمــك إبـهـالـلـيـل... سـهـرانـه مـتـنـام
و  عــيــن الـقـدر و الـخـيـل... سـهـرانـه مـتـنـام
إيـزفـوك الـخـط الـنـار ...هـيج إتريد الأقدار...عرسك يجسام
******
بـدر  يوليدي كلمن شافك إبوصفك...و كواكب هاشميه طلعت إتزفك
طـف حـسـيـن يبني هذا هم طفك...و منه إتريد حنه إمعطره الجفك
حــنــت  زفــافــك هــاي ...مـن مـنـبـع الـهـام
مــا تــنــعـجـن بـالـمـاي... مـن مـنـبـع الـهـام
لـو  بـالـدم إتـحـنـيت ...يوليدي إنت إختاريت...عرسك يجسام
******
غـريـب  إنت  و غريبه بالطفوف أمك...و يريد القدر يحرمني و يحرمك
يـبني إنت الهوه اللي روحي تشتمك...و إشلون إمن أشوفن حنتك دمك
إنــت كــريــم الــروح ...يــا نــســل لــكـرام
لــلــطــف إتــظـل مـجـروح ...يـا نـسـل لـكـرام
رايـد  هـالـزفـه إتـدوم ...هـيجي إيريد المظلوم...عرسك يجسام
******
قـلب  الضاميه  يبني إعليك كل خوفه...أدري هالقدر حضر لك إسيوفه
و أدري لـلـمـنـيـه إتزفك الكوفه ...يا عريس حنه إبطبرته إجفوفه
يــبــنــي  ابـقـلـب عـطـشـان... تـتـحـده ظـلام
تــســحــق وجــه الــمـيـدان... تـتـحـده ظـلام
شـاد  إبـصـرحـه أبـطـال...و إتـريده للأجيال...عرسك يجسام
******
يـبـنـي إتـعـود لـي و بهامتك طبره...عريس و تحني إبدمك الثوره
يحملك عمك و صدرك على صدره...إيغطي إجروحك اللي تنزف إبصبره
جــايـب لـي يـبـنـي مـصـاب... تـرجـع لـلـخـيـام
كــل جــرح دم و إتــراب... تــرجــع لــلـخـيـام
عـريـس  مـن الـمـيـدان ...جايب لأمك أحزان...عرسك يجسام
******
تـرجـع و الـجـروح إقـبالي أخليها...بيش أغسلها من إتراب العليها
تـدري كـل خـيـمـنـه ماي ما بيها...يا جمره إبمصابك يبني أطفيها
عـريـس     و     لأمــك     جـاي...    يـولـيـدي    لالام
و  شــتــحــمــل روحــي هـاي ...يـولـيـدي لالام
وشـظـمـت لـي الأيـام ...مـن بـعدك يا آلالام...عرسك يجسام