خط الشعائر (مكتوبة) - باسم الكربلائي

قصيدة : خط الشعائر
الشاعر : ميرزا عادل اشكناني

الرادود : الحاج ملا باسم الکربلائي

خادم على بابك خليني
خدمتك شفاعة تنجيني
حسين حسين حسين حسين
******
يا سيدي من مولدي الـ يوم المنيه
خادم إلك و اتوسلكـ يَ ابن الزجيه
و بدنيتي كل غايتي تنظر إليّه
و انت السَّخيّ جيت أنتخي لخاطر رقيه
خادم و يا ريتك تحسبني
و من نسل عبيدك تنسبني
حسين حسين حسين حسين
******
يامن نجى بيه الـ تجى وصار بجوارهـ
قبرك سما واهل السما تحف المنارهـ
كل من قصد ليه ووفد طاف بمزارهـ
يصبح ثمن أجره كمن عرش الله زارهـ
نزلت الملايك عنايه
حتى تمشي ويّا المشايه
حسين حسين حسين حسين
******
باقي على نهج العُلا شماتمضي السنين
وشما يمر بينا العمر على الخدمه باقين
بعض البشر عدها الفخر تاج السلاطين
تاج المحب من ينحسب خادم للحسين
الله كل شئ خضع لجدامك
لأجلك الله شرف خدامك
حسين حسين حسين حسين
******
هاك استمع من يرتفع صوت الضماير
هذا الصدى طول المدى يهز المشاعر
و على الوعد نكتب عهد بدمع النواظر
لحد الأجل نفنى و يظل خط الشعائر
حتى من علينا يتجسر
عدنا هالشعائر خط أحمر
حسين حسين حسين حسين
******
ما ينتزع ثوب الجزع سود الملابس
لمّن نِوِن صوت الحزن نحيي المجالس
يَ الـ منبرك من منحرك نبني مدارس
بَـ أول درس بذل النفس علمني عابس
هالعقيدة صاير مضموني
قمة التعقل بجنوني
حسين حسين حسين حسين
******
عشق القلب نطوي الدرب عزم المراجيل
ما ننحرف مهما تحف بينا المشاكل
يابن الطهر فوق الجمر نمشي ونواصل
هذا الأمر لطم الصدر ضرب السلاسل
مدمعي المحاجر و العبرهـ
يرضى عني حيدر و الزهرهـ
حسين حسين حسين حسين
******
يَ الـ تعترض لا تفترض أترك بكائي
و لاتتهم روح أفتهم مبدأ عزائي
من قامتي لو هامتي فيض بدمائي
بس يتضح من هالجرح حبي ولائي
حيدر
يرتفع مقامي و تقديري
بونتي و بكائي و تطبيري
حسين حسين حسين حسين