قرآن (مكتوبة) - باسم الكربلائي

قصيدة : قـرآن ربـك أنـزلـك بـين الكتايب
للشاعر : الأديب الحاج جابر الكاظمي

الرادود : الحاج ملا باسم الكربلائی

 

قـرآن...  ربـك أنـزلـك بـين الكتايب
قـرآن... بـيـك إتـرتل إسيوف الحرايب
علي إبوجهك تجسد...نزل مصحف من محمد
مــن  وريـدك
******
غـالـي و أغـلـه كل إنسان يا تاج الديانه
إنـت  الـمـصحف القرآن دستوره و بيانه
و  إحـنـه الـقـبلة الإيمان منهاجك دعانه
حـبـك  يـجـري بالشريان ممزوج بدمانه
يـحـسـيـن ...جـسمك قلعة العز المنيعه
يـحـسـين...  جرحك لوّن إعيون الطبيعه
صـرت  لـلأمه معبد ...نزل مصحف محمد
مــن  وريـدك

******
ألـواح و صـحـف داود راسـمهن جمالك
كـلـمـا  بالطبيعه إحدود محدوده إبمجالك
يـا بـحـر الكرم و الجود ما ينشف نوالك
أهـل  الـكهف و الإخدود سرحانه إبخيالك
آيـات... كـشـفـت للبشر وجه الحقيقه
آيـات... بـيـهـن تـوجت راس الخليقه
هـتاف القدره ردد...نزل مصحف من محمد
مــن  وريـدك
******
نـحـرك مـحـور الأفلاك نهر العصمه دمك
بـالـطـف  مجمع الأملاك نزلت كلها يمك
لن شافت حروف إدماك مكتوبه إعله جسمك
بـعـيـون  الـعرش  مأواك يم الزهره أمك
أسـرار  ...مـرقـد  فاطمه الزهره و قبرها
أسـرار ...يـالـسرك يظل مخفي إويه سرها
بـيـان السر تحدد...نزل مصحف من محمد
مــن  وريـدك
******
يـحـسين إمنحت كل جيل كنز إمن المعارف
جـسمك  محكم التنزيل و أعضاءك مصاحف
الـسـيـرة جدك إسماعيل واصلت المواقف
نـحرك فتحت الإنجيل و إجروحك صحايف
نـهـواك...  حـبك بلسم إجروح الخواطر
نـهـواك... و أشـعـر إنت جبريل المشاعر
شعور  الدنيه  يشهد...نزل مصحف من محمد
مــن  وريـدك
******
يـمـسـيـر سـفينة نوح بأمواج العجايب
يـالـدمـك  بحر  مسفوح بعيون الكواكب
يـنـعـاك الـقلم و اللوح بدموع النوايب
و  إعـلـيك الوجود إينوح يا شمس الغوالب
أرواح  ...أمـلاك الـسمه إمصابك هضمها
أرواح ...عـالـلـوح الـقـلم راسم ألمها
الـحـزن لمن تجدد...نزل مصحف من محمد
مــن  وريـدك
******
يـحـسـيـن إبـجبين الثار ظل دمك علامه
بـرمـاح و نـبـل و أشفار داروا عالإمامه
صـيـوان  الـنبي  المختار ظل يسعر ضرامه
مـا  بـيـن الـسلب و النار خليت اليتامه
لـلـيـوم...  نـيـران  الخيم يسعر لظاها
لـلـيـوم ...ظـلـت تلتهب محمد طفاها
يـمـن شملك تبدد...نزل مصحف من محمد
مــن  وريـدك
******
ظـلـت سـاجـره إلـهاليوم نيران المخيم
و بـحـافـر خيول القوم صدرك من تهشم
إذكـرنه  الزهره يا مظلوم و المدمع سفح دم
ضـلـع الـطاهره المهشوم بضلوعك تجسم
عـالـقـاع  ...ظـلـت جثتك محد دفنها
عـالـقاع...  و إتراب الأرض فصّل جفنها
بدماك  الرب  توّحد...نزل مصحف من محمد
مــن  وريـدك